10 حیزب و لایەنی سیاسیی تورکمان هەڵبژاردنی پەرلەمانی کوردستان بایکۆت دەکەن

ئاڤا نیوز

 

دە حیزب و لایەنی سیاسیی تورکمان هەڵبژاردنی خولی شەشەمی پەرلەمانی کوردستانیان بایکۆت کرد. 

وێنە گەورەکە: بڕیارەکەی دادگەی باڵای فیدراڵی عێراق سەبارەت بە یاسای هەڵبژاردنی پەرلەمانی کوردستان کە 11 کورسی پێکهاتەکانی هەڵوەشاندەوە، نیگەرانی و ناڕەزایی فراوانی پێکهاتەکانی لێکەوتووەتەوە.

لێدوانی فەرمی: ئەمڕۆ سێشەممە نوێنەرانی 10 حیزب و لایەنی سیاسیی تورکمان لە هەرێمی کوردستان، لە کۆنگرەیەکی ڕۆژنامەوانیدا ڕایانگەیاند: هەڵبژاردنی خولی شەشەمی پەرلەمانی کوردستان بایکۆت دەکەن.

هۆکارە زانراوەکان: تورکمانەکان بڕیارەکەی دادگەی فیدراڵی بە "بڕیارێکی سیاسی و نابەجێ"، دادەنێن و پێیانوایە زوڵمیان لێکراوە، بۆیە کۆبوونەوەیەکیان کردووە و  واژۆیان لەسەر ڕێککەوتننامەیەک کردووە بۆ بایکۆتکردنی هەڵبژاردن.

لەلایەکی دیکەوە:  بەرەی تورکمانی بەسەرۆکایەتیی حەسەن تۆران بڕیاری داوە بەشداری هەڵبژاردن بکات و تاکە لایەنی تورکمانییە تاوەکو ئێستا بڕیاری بەشداریکردن لە هەڵبژاردنی دابێت. بەرەی تورکمانی لە هەڵبژاردنی ڕابردوودا کورسییەکی بەدەستهێنابوو.

باکگراوند: دوینێ دووشەممە نۆ لایەنی  کلدان، سریان، ئاشووری و ئەرمەن لە کۆنگرەیەکی ڕۆژنامەوانیدا بایکۆتکردنی هەڵبژاردنی پەرلەمانی کوردستانیان ڕاگەیاند.