بەشێک لە پێکهاتەکانی کوردستان بایکۆتی هەڵبژاردن دەکەن

ئاڤا نیوز

 

کاردانەوەی لایەنەکان دژی بڕیارەکەی دادگەی فیدراڵیی عێراق بۆ هەڵوەشاندنەوەی کورسیی کۆتاکان لە پەرلەمانی کوردستان بەردەوامە و ئەمڕۆ بەشێک لە پێکهاتەکان بایکۆتی هەڵبژاردنیان ڕاگەیاند.

 

وێنە گەورەکە: نۆ لایەنی  کلدان، سریان، ئاشووری و ئەرمەنی کۆنگرەیەکی رۆژنامەوانیان کرد و دژی بڕیارەکەی دادگەی فیدراڵی، بایکۆتی هەڵبژاردنی داهاتووی پەرلەمانی کوردستانیان کرد.

 

لێدوانی فەرمی: جینان جەبار، سەرۆکی ئەنجوومەنی نەتەوەیی کلدانی بە ئاڤا نیوزی گوت: ئەو هەڵە مێژووییەی یه‌كێتی نیشتمانی كوردستان، هۆکارێک بوو بۆ لێدان له‌ پێكه‌وه‌ژیان و دیموكراسی له‌ هه‌رێمی كوردستان و پێكهاته‌كانی رووبه‌ڕووی خستە دۆخێکی  نه‌خوازراو".

 

لەلایەكی دیكەوە: یونادم کەنا، سەرۆکی هاوپەیمانی ئاشووری بۆ ئاڤا نیوز گوتی: ئێمەش وەک لایەنێکی ئاشووری، وردبینی بایکۆتی هەڵبژاردن دەکەین بەڵام تاوەکو ئێستا بڕیاری کۆتاییمان نەداوە.