80 خێزانی ئاوارە دەگەڕێنەوە شنگال

ئاڤا نیوز

بەشێكی دیكە لە خێزانە ئاوارەكانی شنگال دەگەڕێنەوە زێدی خۆیان و پێداویستییەكانیان بۆ دابین دەكرێت.

‎وێنە گەورەکە: دوای تێپەڕبوونی زیاتر لە نۆ ساڵ بەسەر هێرشی داعش بۆ قەزای شنگال و ئاوارەبوونی خەڵکەکەی، تاوەکو ئێستا 50 هەزار خێزان لە کەمپەکان دەژین و نەگەڕاونەتەوە ناوچەکانیان.

‎چیرۆکی سەرەکی: مەڕوان داود، پەیامنێری ئاڤا نیوز ڕایگەیاند،  80 خێزان کە لە هەردوو کەمپی کەبرتو 1 و کەبرتو 2 نیشتەجێ بوون، ئەمڕۆ بە پاڵپشتی ڕێکخراوی (ئای ئۆ ئێم) دەگەڕێنەوە ناوچەکانیان. ڕێکخراوەکە ماوەی دوو ساڵە هاوکاری ئاوارەکان دەکات بۆ گەڕانەوە.

زانیاریی زیاتر: ئاوارەکان هی چوار ناوچەی شنگالن بەتایبەت (گوندێ ڕەمبوسێ، کۆمەڵگەی دگڕێ ڤیسا، سکێنیێ و گر زەرک).

‎باکگراوند: ئاوارەکانی شنگال لە 15 کەمپی پارێزگای دهۆک نیشتەجێن و ژمارەیان نزیکەی 50 هەزار خێزانە. بەپێی ئامارەکانی نووسینگەی کۆچ و کۆچبەرانی عێراق تاوەکو ئێستا زیاتر لە 150 هەزار خێزان گەڕاونەتەوە.