فێستیڤاڵی بەروبوومە خۆماڵییەکان لە هەولێر بەڕێوەدەچێت

ئاڤا نیوز

ئەمڕۆ فێستیڤاڵی بەروبوومە خۆماڵییەکان لە شاری هەولێر بەڕێوەدەچێت، پارێزگاری هەولێریش لەوبارەیەوە دەڵێت: 'شوێن بۆ بەشداربووان بەبێ بەرامبەر دابین کراوە'.

وێنە گەورەکە: ساڵانە فێستیڤاڵی بەروبوومە خۆماڵییەکان لە پێش پارکی شاندەر لە شاری هەولێر بەڕێوە دەچێت، ئەمەش لەپێناوی برەودانە بە بەرهەمە ناوخۆییەکان، هاووڵاتییانیش لە هەموو شارەکانەوە سەردانی دەکەن.

لێدوانی فەرمی: ئومێد خۆشناو، پارێزگاری هەولێر بە ئاڤا میدیای وت: ئەمڕۆ یەکشەممە کاتژمێر 11:00ی پێشنیوەڕۆ فێستیڤاڵەکە دەکرێتەوە، کە ئامانج لێی برەودانە بە بەرهەمە کشتوکاڵییەکان و کارە دەستییە ناوخۆییەکان، کە بۆ ماوەی چوار ڕۆژ بەردوام دەبێت.

زانیاریی زیاتر: بەشێکی بەرچاوی ئەو بەرهەمانەی لە فێسیتیڤاڵەکە دەخرێنەڕوو، بەرهەمی خۆماڵین، ئەمە جگە لەوەی بەرهەمی کاری دەستی لە فێستیڤاڵەکە نمایش دەکرێت.