لە کەرکووک دوو حاڵەتی تووشبوون بە تای خوێنبەربوون تۆمار کرا و یەکێکیان گیانی لەدەستدا

ئاڤا نیوز

دوو هاووڵاتی تووشبوو بە تای خوێنبەربوون گەیێنرانە نەخۆشخانەی کەرکووک و یەکێکیان بەهۆی خراپی باری تەندروستییەوە گیانی لەدەستداوەو ئەوەی دیکەش باری تەندروستی ناجێگیرە.

وێنە گەورەکە: تای خوێنبەربوون نەخۆشییەکی ڤایرۆسییە و لە ئاژەڵەوە بۆ مرۆڤ دەگوازرێتەوە، نیشانەکانی نەخۆشییەکە بریتین لە بەرزبوونەوەی پلەی گەرمیی جەستە، سەرئێشە و خوێنبەربوونی ژێر پێست، لە چەندین پارێزگای دیکەی عێراق تۆمارکراوە و چەندین کەسیش بەو نەخۆشییە گیانیان لەدەستداوە.

زانیاریی بەدەستهاتوو: بەگوێرەی ئەو زانیاریانەی سەرچاوەیەک لە فەرمانگەی تەندروستی کەرکووک بە دیار محەممەد پەیامنێری ئاڤا میدیای ڕایگەیاندووە، دوو حاڵەتی تای خوێنبەربوون لە کەرکووک تۆمارکراوە، یەکێکیان گیانی لەدەستداوە بەناوەی موتڵەق عومەر، تەمەنی 30 ساڵە و دانیشتووی گوندی عومەر بن خەتابە لە قەزای داقوق.

زانیاریی زیاتر: حاڵەتی دووەم لە سنووری ناحیەی تازە خورماتووە، دوو حاڵەتی دیکەش نێردراون و چاوەڕێی ئەنجامی پشکنینەکانیان دەکرێت کە گومان دەکرێت ئەوانیش تووشی تای خوێنبەربوون بووبن.

ئەوەی پێویستە بیزانیت: تای خوێنبەربون لەماوەی 3 بۆ 14 ڕۆژدا نیشانەکانی دەردەکەوێت، گرنگترینیان بریتییە لەتایەکی بەرز، ئازاری ماسولکە‌و ئێسکەکان، بێهێزیی و هەستکردن بەگێژبوون.