وردبینی لە فۆڕمی 20 هەزار خانەنشین بۆ وەرگرتنی زەوی دەکرێت

ئاڤا نیوز

ژمارەی ئەو خانەنشینانەی لە وەرگرتنی زەوی سوودمەند دەبن بەرز دەبێتەوە بۆ نزیکەی 50 هەزار کەس و دوای گەڕانەوەی ناوەکانیان بەگوێرەی کارتی زانیارییان زەوییان بۆ دابین دەکرێت.

وێنە گەورەکە: ئەنجوومەنی وەزیران ڕەزامەندی لەسەر 39 هەزار و 922  فۆڕمی دابەشکردنی زەوی داوە، کە 10 هەزاریان خانەنشینن، ماوەتەوە فۆڕمەکان بگەڕێنرێنەوە وەزارەتی شارەوانی و گەشتوگوزار ئینجا بەسەر شارەوانییەکان دابەش بکرێت، ئێستا وردبینی لە ژمارەیەک فۆرمی دیکە دەکرێت کە 20 هەزاریان خانەنشینن.

لێدوانی فەرمی: سەربەست مەولوود، سەرپەرشتیاری تیمی وردبینی و ڕێکخستنی فۆڕمی دابەشکردنی زەوی له‌ وه‌زاره‌تی شاره‌وانی و گەشتوگوزار بە ئاڤای گوت، "تیمێکی تایبەت کار لەسەر وردبینی ئەو 20 هەزار خانەنشینە دەکات، هەوڵدەدەین لە ماوەی 10 ڕۆژی داهاتوو ڕەوانەی ئەنجوومەنی وەزیران بکرێت."

ئەمەش بزانە: تاوەکو ئێستا 365 هەزار و 775 فۆڕم پەسەندکراون و بەشێکیان گەڕێنراونەتەوە شارەوانییەکان، دوای تەواوبوونی سەرجەم فۆرمەکان دەست بە دابەشکردنیان بەسەر سوودمەندبووان دەکرێت.