هەشتەمین فێستیڤاڵی نێودەوڵەتیی هەولێر بۆ شانۆ دەستپێدەكات

ئاڤا نیوز

سبەی هەشتەمین خولی فێستیڤاڵی نێودەوڵەتیی هەولێر بۆ شانۆ دەستپێدەكات كە تێیدا 10 گروپی شانۆیی نێودەوڵەتیی بەشدارن.

 

وێنە گەورەكە: بەڕێوەبەرایەتیی هونەری شانۆ سەر بە بەڕێوەبەرایەتیی گشتیی ڕۆشنبیری و هونەری هەولێر، سەرپەرشتی هەشتەمین خولی فێستیڤاڵی نێودەوڵەتیی هەولێر بۆ شانۆ دەكات، كە سبەی یەكشەممە ڕێككەوتی 20-4-2025 سەعات شەشی ئێوارە لە هۆڵی ڕۆشنبیریی هەولێر بەڕێوەدەچێت، ڕۆژانە دوو نمایشی شانۆیی هاوتای چەندین سیمیناری جیاواز و تایبەت بە هونەری شانۆ، پێشكەش دەكرێن.

 

لێدوانی فەرمی: بەشی ڕاگەیاندنی فێستیڤاڵی نێودەوڵەتیی هەولێر بۆ شانۆ، كارنامەی فێستیڤاڵەكەی تایبەت بۆ ئاڤا ناردووە و ئاماژەی بەوە كردووە، ژمارەیەک ئەستێرەی دیاری سینەما و شانۆی ڕۆژهەڵاتی ناوەڕاست بەشداریی دەکەن، هاوشانی چەند ئەکتەرێکی بەناوبانگی عێراقی و هونەرمەندانی کورد.

 

ئەوەی پێویستە بیزانیت: جگە لە گرووپی شانۆیی ناوخۆی هەرێمی كوردستان، شانۆكارانی وڵاتانی: تونس، لیبیا، میسر، ئێران، توركیا، شارەكانی ناوەڕاست و خوارووی عێراق تێیدا بەشدارن.