ترەمپ یەک ملیار دۆلاری دیکە لە بودجەی هارڤارد کەم دەکاتەوە

ئاڤا نیوز

 

دۆناڵد ترەمپ، سەرۆکی ئەمریکا بڕیاریدا بە کەمکردنەوەی یەک ملیار دۆلاری دیکەی لە بوجەی زانکۆی هارڤارد، بەهۆی ڕازی نەبوونی زانکۆکە بە داواکارییەکانییەوە.

 

چیرۆکی سەرەکی: دوای ئەوەی ڕۆژی دووشەممە 14-4-2025، کۆشکی سپی ڕۆژی بڕی دوو ملیار و 200 ملیۆن دۆلاری هاوکارییەکانی هارڤاردی ڕاگرت، جارێکی دیکە بودجەی ئەو زانکۆیە بە بڕی یەک ملیار دۆلار کەم کرایەوە.

 

زانیاریی بەدەستهاتوو: میدیاکانی ئەمریکا بڵاویانکردەوە، ئەم کەمکردنەوەی بودجەش دەچێتە چوارچێوەی ڕەتکردنەوەی جێبەجێکردنی ئەو مەرجانەی کە دۆناڵد ترەمپ، سەرۆکی ئەمریکا سەبارەت بە نەهێشتنی هەر ڕێوشوێنێکی دژی  جووەکان لەو زانکۆیە سەپاندبووی.

 

ئەمەش بزانە: هەمان سەرچاوە ئاماژەی بەوە کردووە کە بڕینی یەک ملیار دۆلار  بە پلەی یەکەم پارەدان بۆ توێژینەوە پزیشکییەکان دەگرێتەوە کە لە هارڤارد ئەنجام دەدرێن هاوکات باس لەوەش دەکرێت ئیدارەی ئەمریکا بەنیازە پێداچوونەوە بەو یارمەتی و گرێبەستانەدا بکات کە دراوە بە زانکۆی هارڤارد و بە  نزیکەی نۆ ملیار دۆلار دەخەملێنرێت.
 

باکگراوند: زیاتر لە 50 زانکۆ لە ئەمریکا دژی هێرشەکانی ئیسرائیل بۆ سەر کەرتی غەززە خۆپیشاندانیان کرد و پۆلیس زیاتر لە 3100 کەسی دەستگیرکرد کە زۆربەیان قوتابی بوون، سەرۆکی ئەمریکا داوای لەو زانکۆیانە کرد بە سیاسەتەکانیان بچنەوە و دژی قوتابییە خۆپیشاندەرەکان و زانکۆکان چەندین بڕیاریان دەرکرد