زیندانییەک بە فێڵی مۆڵەت لە چاکسازی گەورانی سلێمانی ڕادەکات

ئاڤا نیوز

زیندانییەکی چاکسازی گەورانی سلێمانی کە بە تاوانی ماددەی هۆشبەر سزادرابوو، بە فێڵی مۆڵەت هەڵاتووە و تا ئێستاش دەستگیرنەکراوەتەوە.

چیرۆکی سەرەکی: زیندانییەک ناوی (خ. ن)  خەڵکی قەڵادزێیە و 7 ڕۆژ پێش ئێستا بە مۆڵەت ڕۆیشتووە، 25 ملیۆن دیناری وەک گەرەنتی گەڕانەوەی داناوە و دەبوایە دوێنێ بگەرێتەوە چاکسازی، بەڵام هەڵاتووە بۆ ئێران.

زانیاریی زیاتر: ئەو زیندانییە لەسەر ماددە هۆشبەرەکان بە 10 ساڵ زیندانی سزادرابوو، سێ ساڵی تەواو کردبوو، هێشتا نزیکەی حەوت ساڵی ماوە، بەڵام ڕایکردووە.

ئەوەی پێویستە بیزانیت: چەند مەرجێک هەیە بۆ ئەوەی زیندانی مۆڵەتی چوونە دەرەوەی پێبدرێت، دەبێت نیوەی حوکمەکەی تەواو کردبێت، بڕێک پارە وەک گەرەنتی و تاپۆی خانوو دادەنێت، دوای ئەوە ڕێگەی پێدەدرێت بڕواتە دەرەوە ئەگەر لەو کاتەی دیاریکراوە نەگەڕایەوە، ئەوا هەموو ئەوانەی وەک گەرەنتی دایناون دەبن بە موڵکی حکومەت و تا مردنیش فەرمانی گرتنی دەبێت.

زانیاریی بەدەستهاتوو: ئاڤا زانیویەتی ئێستا لیژنەی لێکۆڵینەوە لەسەر ئەو بابەتە پێکهێنراوە و بەدواداچوون بۆ ڕاکردنی دەکەن و هەوڵی دەستگیرکردنەوەی دەدرێت.