لە زاخۆ ئامادەکاری بۆ فێستیڤاڵی "شەل و شەپک" دەکرێت

 ئاڤا نیوز

لە زاخۆ ئامادەکاری بۆ سێیەم فێستیڤاڵی "شەل و شەپک" دەکرێت و تێیدا جلوبەرگی چوار پارچەی کوردستان نمایشدەکرێن.

وێنە گەورەکە: کۆتاییەکانی ئەم مانگە و بە دیاریکراوی ڕۆژانی 29 و 30 مانگ لە زاخۆ و لە نزیک پردی دەلال سێیەم فێستیڤاڵی "شەل و شەپک" دەستپێدەکات.

ئەوەی پێویستە بیزانیت: فێستیڤاڵەکە تایبەتە بە جلی کوردی تێیدا لە ڕێی چەند دوکانێکەوە جلوبەرگی کوردی چوار پارچەی کوردستان نمایشدەکرێن. ئێستا ئامادەکارییەکانی فێستیڤاڵەکە دەستیان پێکردووە.

لێدوانی فەرمی: دڵخواز موسا، بەڕێوەبەری ڕۆشنبیریی و هونەری لە ئیدارەی سەربەخۆی زاخۆ کە هاوکات سەرۆکی فێستیڤاڵەکەشە، بە ئاڤا میدیای گوت: بەشی زۆری ئامادەکارییەکان تەواو بوون و ئامادەین دوو ڕۆژی جوان بەڕێ بکەین.