لە یاریی نەورۆز و زاخۆ شەڕ دروست بوو، برینداری لێکەوتەوە

ئاڤا نیوز

لە یاریی نێوان هەردوو یانەی نەورۆز و زاخۆ كە لە شاری سلێمانی بەڕێوەچوو، شەڕ لەنێوان هاندەرانی هەردوو یانە دروست بوو و ژمارەیەک برینداری لێکەوتەوە.

زانیاریی پەیامنێر: چۆمان مەحموود، پەیامنێری ئاڤا میدیا لە سلێمانی ڕایگەیاند: لە كۆتا خولەكەكانی یاریی نێوان هەردوو یانەی نەورۆز و زاخۆ بۆ تۆپی پێ كە ئەمشەو سێشەممە 22-4-2025 بەڕێوەچوو، شەڕ لەنێوان هاندەرانی هەردوو یانە دروست بوو بەو هۆیەوە یارییەكە وەستا و ژمارەیەک كەسیش لە هەردوولا برینداربوون.

هۆکارە زانراوەکان: دوای ئەوەی لە خولەکی 79ی یارییەکە گۆڵێکی یانەی زاخۆ بەهۆی حاڵەتی ئۆفسایدەوە هەژمار نەكرا، هاندەرانی هەردوو یانە دەبە ئاویان لەیەكتر گرتووە، دواتر شەڕەکە ئاڵۆزتر بووە و  بە بۆكس و كورسی لەگەڵ یەك بەشەڕ هاتوون.

زانیاریی تایبەت: بەپێی زانیارییەكانی ئاڤا میدیا سەدان كورسی لەنێو یاریگەی یانەی نەورۆز شكاون و زیان بەر یاریگاكە كەوتووە.