ئاڤا ناوی کاندیدانی هەردوو پۆستی قایمقامیەتی هەڵەبجە و خورماڵ ئاشکرا دەکات

ئاڤا نیوز

بەپێی بەدواداچوونەکانی ئاڤا میدیا قایمقامی قەزای ناوەندی هەڵەبجە دراوە بە بە سمکۆ سالار بەوەکالەتیش پۆستەکە بەڕێوەدەبات سەیوان محەممەدیش وەک قایمقامی قەزای خورماڵ دەستنیشانکراوە.

زانیاریی تایبەت: لە نووسینگەکەیەوە بە ئاڤا گوتراوە ئێستا لە وڵاتی چینە بۆ بەشداریکردن لە خولێکی تایبەت بە کارگێڕی.

سمکۆ سالار کێیە؟

- سمکۆ سالار لە ساڵی 1976 لەدایک بووە و بڕوانامەی بەکالۆریۆسی لە یاسادا هەیە، خاوەن ئەزموونێکی زۆرە لەبواری کارگێڕی لە ناوچەکەدا.

- دوای پڕۆسەی ئازادی عێراق، یەکەمین بەڕێوەبەری ناحیەی بیارە بوو، پاشان بووە بەڕێوەبەری ناحیەی خورماڵ، دوایین ئەرکیشی بەڕێوەبەری ناحیەی بەمۆ بوو.

زانیاریی پەیامنێر: ئاراس ڕەفیق، پەیامنێری ئاڤا بەدواداچوونی بۆ پۆستی قایمقامی قەزای خورماڵیش کردووە. بەپێی ئەو زانیاریانەی بەدەستی هێناوە، سەیوان محەممەد عەبدولقادر بەهێزترین کاندیدە بۆ ئەو پۆستە. 

- ناوبراو ساڵی 1980 لەدایک بووە و ئەویش بڕوانامەی بەکالۆریۆسی لە یاسادا هەیە و لەلایەن یەکێتییەوە کاندیدە و ئەویش بەوەکالەت دادەنرێت.

ئەمەش بزانە: پێشتر نووخشە ناسیح، پارێزگاری ئێستای هەڵەبجە بە ئاڤای گوتبوو، ئەو کەسانەی لە پۆستە ئیدارییەکانی هەڵەبجەدا دادەنرێن دەبێت خەڵکی ناوچەکە بن. 

زانیاریی زیاتر: سمکۆسالار خەڵکی کۆیەیە و سەیوان محەممەدیش خەڵکی گوندی کوڵکنی قەزای خورماڵە.