بە ئامادەبوونی سەرۆک بارزانی ڕۆژی نزای نیشتمانی لە کوردستان بەڕێوەدەچێت

ئاڤا نیوز

ئەمڕۆ چوارشەممە 23-4-2025، رۆژی نزای نیشتمانی بە ئامادەبوونی سەرۆک مەسعود بارزانی و سەرۆکی هەرێمی کوردستان و سەرۆکوەزیران مەسرور بارزانی بەڕێوەدەچێت.

چیرۆکی سەرەکی: لە ڕۆژانی 23-25ـی نیسانی 2025، بۆ یەکەمین جار لە هەرێمی کوردستان و لە هەولێری پایتەخت، ڕۆژی نزای نیشتمانی بەڕێوەدەچێت.

ئەوەی پێویستە بیزایت: لە ڕۆژی نزای نیشتمانی زۆر لە بەرپرسانی باڵا، سەرکردەکانی عێراق و هەرێمی کوردستان و جیهان، پەرلەمانتارانی وڵاتانی دنیا و نوێنەرانی حکومەتەکان لە ئەمەریکا و ئەوروپا و ڕۆژهەڵاتی ناوەڕاست ئامادە دەبن، لە ژێر دروشمی (بەرەو یەکبوون لە باوەڕدا)، ڕۆژی نزای نیشتمانی لە کوردستان بەڕێوەدەچێت.

گۆشەیەکی دیکەی دیمەنەکە: بەشداران لە کەشێکی ڕووحانی پڕ لە نزا و پاڕانەوە، بەیەکەوەژیانی ئاشتییانە و ئازادیی ئایینی کۆدەبنەوە، نزا بۆ هەرێمی کوردستان دەکەن کە پەناگەیەکی ئارامە بۆ گشت پێکهاتە ئایینی و نەتەوەییەکان، نموونەیەکی گەشی بەیەکەوەژیانی ئاشتیانەیە لە جیهاندا.