کۆمپانیاکانی بەرهەمهێنانی نەوت سکاڵا لە دژی حکومەتی عێراق تۆمار دەکەن

ئاڤا نیوز

 

کۆمپانیا بیانییەکانی بەرهەمهێنانی نەوت لە دەستپێکردنەوەی هەناردەی نەوت بێئومێد بوونە و دەیانەوێت لە دادبینی نێودەوڵەتی سکاڵا دژی حکومەتی عێراق تۆمار بکەن.

 

وێنە گەورەکە: نزیکەی ساڵێکە هەناردەی نەوتی هەرێمی کوردستان لە بەندەری جەیهان ڕاگیراوە و بەمەش ژێرخانی ئابووریی عێراق مانگانە نزیکەی ملیارێک دۆلار زیانی بەرکەوتووە.

 

بۆچی گرنگە؟ ئەو هەنگاوەی کۆمپانیاکانی نەوت فشار لە حکومەتی عێراق دەکات بۆ ئەوەی پرۆسەی دەستپێکردنەوەی هەناردەی نەوت خێراتر بکات و لەگەڵ حکومەتی هەرێمی کورستان لەسەر تێچووی دەرهێنانی نەوت ڕێکبکەون.

 

لێدوانی فەرمی: مایڵز کاگینز، گوتەبێژی کۆمەڵەی پیشەسازیی نەوتی کوردستان بە ئاڤا نیوزی گوت: "بۆ دەستپێکردنەوەی هەناردەی نەوت بیر لە ڕێگەی دیکە دەکەینەوە و لە دادبینی نێودەوڵەتی سکاڵا تۆمار دەکەین، چونکە کاتێک کۆمپانیاکان گرێبەستیان کردووە، عێراق یاسای نەوت و غازی نەبووە".

 

زانیاریی زیاتر: کۆمەڵەی پیشەسازیی نەوتی کوردستان (ئەپیکۆر) لە هەشت کۆمپانیای بەرهەمهێنەری نەوت پێکدێن، پێش وەستانی هەناردەکردنی نەوت زیاتر لە 50%ـی نەوتی هەرێمی کوردستانیان بەرهەم دەهێنا.

 

باکگراوند: بەهۆی بڕیارێکی دادگەی نێوبژیوانیی نێودەوڵەتی لە پاریس، ڕۆژی 25ـی ئاداری 2023 هەناردەکردنی نەوتی هەرێمی کوردستان و کەرکووک لەڕێگەی بەندەری جەیهانی تورکیا ڕاگیرا.