وادەی یەکەم گەشتی حەجخوازان لە هەرێمی کوردستان و عێراقەوە بەرەو سعودیە ئاشکرا دەکرێت

ئاڤا نیوز

وادەی یەکەم گەشتی حەجخوازان لە هەرێمی کوردستان و عێراقەوە بەرەو سعودیە ئاشکرا دەکرێت و بۆ ئەو مەبەستەش دەستەی حەج و عومرەی عێراق  و بەڕێوەبەرایەتی حەج و عومرەی کوردستانیش ئامادەکاری تەواویان کردووە.

 

چیرۆکی سەرەکی: ساڵانە لە وەرزی حەجکردن، لەسەر ئاستی جیهان بە سەدان هەزار کەس بە مەبەستی بەجێگەیاندنی فەریزەی حەج ڕوو لە شاری سعودیە دەکەن. 

 

لێدوانی فەرمی: شێخ سامی مەسعوودی، سەرۆکی دەستەی حەج و عومرەی عێراق بە ڕۆژنامەی سەباح-ی ڕاگەیاند، ئامادەکارییەکان لەلایەن دەستەی حەج و عومرەوە بۆ دەستپێکردنی یەکەم گەشتی حاجیانی عێراق بۆ سعودیە لە ماوەی بیست ڕۆژی داهاتوودا، کراون.

 

شێوازی جێبەجێکردن: بە هەماهەنگی لەگەڵ وەزارەتی گواستنەوە و گەیاندن ئامادەکارییە لۆجستییەکان تەواو کراون، کە بریتیین لە ئامادەکردنی فڕۆکە مۆدێرنەکانی دریملاینەر و دانانی خشتەی ڕێکخراو بۆ گەشتە ئاسمانییەکان کە لە فڕۆکەخانەکانی بەغدا و هەولێر و بەسرە و نەجەفەوە دەبێت، هاوشان لەگەڵ گەشتی وشکانی لە ڕێگەی دەروازەی سنووری ترێبیلەوە.

 

لەلایەکی دیکەوە: پێشتر کاروان ستوونی، وتەبێژی بەڕێوەبەرایەتیی حەج و عومرەی کوردستان بە ئاڤا میدیای ڕاگەیاندبوو، "ناوەڕاستی مانگی پێنج، یەکەم کاروانی حاجییانی کوردستان بەرەو سعودیە بەڕێدەکەوێت.

 

ئەوەی پێویستە بیزانیت: پێنج هەزار و 120 کەس ئەمساڵ سەردانی ماڵی خودا دەکەن و دەبن بە حاجی، مامەڵەی وەرگرتنی ڤیزا بۆ بەشێکی زۆریان کراوە، چونکە ئەمساڵ حەجخوازان ناتوانن بە ڤیزای بازرگانی و ساڵانە حەج بکەن.