په‌يامى سەرۆکی هەرێمی کوردستان له‌ يادى شه‌هيدانى قه‌ڵادزێدا

ئاڤا نیوز

 

نێچیرڤان بارزانی، سەرۆکی هەرێمی کوردستان لە ساڵیادی بۆردوومانکردنی قەڵادزێ دەڵێت، "ئەم تاوانە سامناكه‌، لاپەڕەیەکی ترى ئازاربەخشى مێژووی کوردستان بوو، بەڵام نەیتوانی ئیرادەی گەلەکەمان لاواز بکات."

 

وێنە گەورەکە: 51 ساڵ پێش ئێستا ڕژێمی لەناوچووی بەعس بۆردوومانی قەڵادزێ و زانكۆی سلێمانی لەو شارە كرد، لە ئەنجامدا 163 كەس شەهیدبوون كە 9 كەسیان خوێندكاری زانكۆ بوون و نزیكەی 300 كەسیش برینداربوون.

 

ڕاگەیێنراوی فەرمی: نێچیرڤان بارزانی، سەرۆکی هەرێمی کوردستان ڕایگەیاند: لە تاوانێکی دڕندانەى ڕژێمی پێشووی عێراق و له‌ هه‌وڵێكى بێهودەدا بۆ شکاندنی ئیرادەی گەلی کوردستان و بزووتنەوە ڕزگاریخوازييه‌كه‌ى، دەیان قوتابی و مامۆستا و هاووڵاتی لە قەڵادزێ شەهید کرد.

 

زانیاریی زیاتر: سەرۆکی هەرێمی کوردستان لەبارەی بۆردوومانکردنی زانکۆی سلێمانی و شاری قەڵادزێ لە 24ی نیسانی 1974 لەلایەن ڕژێمی پێشووی عێراقەوە دەڵێت، لەم یادەدا، بە ڕێزەوە یادی شەهیدانى جوانه‌مه‌رگى زانكۆ دەکەینەوە و سه‌رى ڕێز و نه‌وازش له‌به‌رده‌م گيانى پاكياندا دادەنەوێنین. ئەم تاوانە سامناكه‌، لاپەڕەیەکی ترى ئازاربەخشى مێژووی کوردستان بوو، بەڵام نەیتوانی ئیرادەی گەلەکەمان لاواز بکات، بەڵکوو گوڕوتينى بۆ بەردەواميی خەبات و تێکۆشان له‌پێناو ئازاديدا، پته‌وتر کرد.

 

لەلایەکی دیکە: "پشتگیريی تەواومان بۆ خزمه‌تكردنى زياترى ناوچەی پشدەر و قەڵادزێ نوێ دەکەینەوە کە هەمیشە هێمای خەباتی نیشتمانی بوون و بۆ به‌رگريكردن له‌ کوردستان، قوربانیی گەورەيان داوە. بەرپرسیاريه‌تيی هەموومانە به‌ كاركردن بۆ داهاتوویەکی باشتر بۆ خەڵکی ئه‌وێ و کوردستان به‌گشتى، ڕێز لە خه‌بات و قوربانیدانیان بگرین". سەرۆکی هەرێمی کوردستان وا دەڵێت.