بنکەی نەهێشتنی نەخوێندەواری لە پیرمام دەکرێتەوە

ئاڤا نیوز

 

وەزارەتی پەروەردەی حکومەتی هەرێمی کوردستان لەبارەی هەڵمەتی نەهێشتنی نەخوێندەوارییەوە باس لەوە دەکات، دەیان بنکەیان لە ناوچە جیاجیاکان بۆ ئەو مەبەستە کردووەتەوە.

 

بابەتی سەرەکی: ساڵانێکە هەرێمی کوردستان بە بەرنامە کار بۆ نەهێشتنی نەخوێندەواری دەکات، بۆ ئەو مەبەستەش وەزارەتی پەروەردە هەنگاوی گرنگی لەو بوارەدا ناوە.

 

بڵاوکراوەی فەرمی: بەڕێوەبەرایەتیی پەروەردەی پیرمام، ڕایگەیاند: بۆ ساڵی خوێندنی 2025-2026، قوتابخانەی نەهێشتنی نەخوێندەواری لە سنووری بەڕێوەبەرایەتیی پەروەردەی پیرمام دەکەینەوە.

 

-  ماوەی ناو تۆمارکردن تەنیا 10 ڕۆژە، بۆیە کەسی فێرخواز دەتوانێت بۆ ناونووسین سەردانی هۆبەی پلان بکات.

لێدوانی فەرمی: د.سامان سیوەیلی، وتەبێژی وەزارەتی پەروەردەی حکومەتی هەرێمی کوردستان ڕایگەیاند: ئەوەی پیرمام قوتابخانە نییە، بەڵکو بنکەی نەهێشتنی نەخوێندەوارییە، دەیان ساڵەیشە بنکەکانی نەهێشتنی نەخوێندەواری لە شارەکان و سنووری پەروەردەکان کراونەتەوە، بەڵام پەروەردەی پیرمام نوێکراوەتەوە بۆیە ئەم بابەتەیان داناوە.