نووسینگەی جێبەجێکردنی ماددەی 140 لە پارێزگای موسڵ دەکرێتەوە

ئاڤا نیوز

 

بەمەبەستی ڕایکردنی کاروباری هاووڵاتیانی کوردی دانیشتووی ناوچە کێشەلەسەرەکان، نووسینگەی جێبەجێکردنی کارەکانی ماددەی 140 لە پارێزگای موسڵ دەکرێتەوە کە 9 ناوچە بەهۆیەوە سوودمەند دەبن.

لێدوانی فەرمی: کاڤین شێخ سەعید، پەرلەمانتاری ئەنجوومەنی نوێنەرانی عێراق لە فراکسیۆنی پارتی دیموکراتی کوردستان بە ئاڤای ڕاگەیاند، داوامان لە لیژنەی باڵای جێبەجێکردنی ماددەی 140 کردووە کە نووسینگەیەکی نوێ بۆ کوردانی ناوچەکانی دەرەوەی دەسەڵاتی حکومەتی هەرێمی کوردستان بکاتەوە، بڕیار بوو نووسینگەکە لە شنگال بکرێتەوە، بەڵام لەسەر دواکاری ئێمە لە موسڵ دەکرێتەوە. 

زانیاریی زیاتر: کردنەوەی ئەو نووسینگەیە کار ئاسانییە بۆ دانیشتوانی ناوچەکانی، شەنگال، شێخان، زوممار، دیبەگە، گوێڕ، قەراج، زێلکان، کەلەکچی، مەخمور، چونکە لەڕووی جوگرافییەوە نزیکن لە ناوەندی موسڵ.