ژمارەیەک پێشمەرگە دوای شەش ساڵ لە خانەنشینبوونیان تا ئێستا پاداشتەکەیان وەرنەگرتووە

ئاڤا نیوز

ئاڤا بەدواداچوون بۆ ژمارەیەک پێشمەرگەی خانەنشینکراو دەکات کە تاوەکو ئێستا پاداشتی خانەنشینبوونیان وەرنەگرتووە. وەزارەتی پێشمەرگەش هۆکارەکەی بۆ نەبوونی بودجە لە هەردوو حکومەتی هەرێمی کوردستان و عێراق دەگەڕێنێتەوە.

وێنە گەورەکە: ژمارەیەکی زۆری پێشمەرگە لە ساڵی 2019ەوە خانەنشینکراون، تا ئێستا ئیکرامییە یاخود پاداشتەکەی خانەنشینییان وەرنەگرتووە.

ئەوەی پێویستە بیزانیت: ژمارەیەک لەو پێشمەرگانە کە پێنج بۆ شەش ساڵە مامەڵەی خانەنشینییان تەواوە بووە، داوایان لە ئاڤاوە کردبوو بەدواداچوونیان بۆ بکات.

لێدوانی فەرمی: سەرچاوەیەک لە وەزارەتی پێشمەرگە ڕایگەیاند، "لای ئێمە نووسراو بەرزکراوەتەوە، پێشتر بەهۆی قەیرانی داراییەوە خەرج نەکراوە، ئێستاش کە دوای بڕیاری دادگای فیدراڵی مووچە و هەموو پابەندە داراییەکان چووەتەوە سەر بەغدا، داوامان کردووە بەغدا دابینی بکات، بەڵام تاوەکو ئێستا دابین نەکراوە".