دیداری یەکێتی بەبێ ئامادەبوونی ژمارەیەک سەرکردەی دیاری حیزبەکە بەڕێوەچوو

ئاڤا نیوز

بەبێ ئامادەبوونی ژمارەیەک سەرکردەی دیاری ئەو حزبە، یەکێتی نیشتمانی کوردستان دووەم دیداری یەکێتی لە سلێمانی ئەنجامدا.

وێنە گەورەکە: ئەوەی تێبینی کراوە ژمارەیەک سەرکردەی دیاری یەکێتی بەشداری دیدارەکەیان نەکردووە، لەوانە: (شاڵاو عەلی عەسکەری، بەرهەم ساڵح، سەعدی پیرە، عەدنان موفتی، حاکم قادر، چەتۆ حەوێزی، مەحموود سەنگاوی و عەدنانی حەمەی مینا).

زانیاریی بەدەستهاتوو: ئاڤا زانیویەتی، هەموو ئەو سەرکردانەی یەکێتی بە فەرمی داوایان لێکراوە بەشداری دیدارەکە بکەن، بەڵام بەشێکیان نیگەرانن لەو حزبە و پێیان وایە ئەم دیدارە لە قازانجی یەکێتی نییە و هەیکەلی حزب دەگۆڕێت، لە کاتێکدا ئەوەی دەتوانێت هەیکەلی ئەو حزبە بگۆڕێت تەنیا کۆنگرەیە. بەشێکی دیکەیان بە تەواوی نا ئومێد بوونە لە یەکێتی و بڕیاریان داوە ئیدی بەشداری هیچ چالاکییەکی ئەو حزبە نەکەن.

لێدوانی فەرمی: کاروان گەزنەیی، وتەبێژی دیداری یەکێتی دەڵێت: 12 هەزار و 500 کادیر بەشدارییان لە دیدارەکە کردووە. ئامانج لە دیدارەکە ئەوەیە دەمانەوێت پەیکەربەندی حزبی، بەپێی قۆناغەکە بگونجێنین و، ڕوئیایەکی تازە لە ڕێگای کادیرەکانمانەوە بگەیەنینە سەرکردایەتیی حزب، بۆیە بڕیارمان داوە بۆچوونی کادیرەکانمان وەربگرین.

 

 

ئەوانەی بەشدارییان نەکرد: شاڵاو عەلی عەسکەری، بەرهەم ساڵح، سەعدی پیرە، عەدنان موفتی، حاکم قادر
وانەی بەشدارییان نەکرد: چەتۆ حەوێزی، مەحموود سەنگاوی و عەدنانی حەمەی مینا
داوا لەو سەرکردانە کرابوو کە بەشداری لە دیداری یەکێتی بکەن