فەتوایەکی نوێ: نوێژی هەینی لە سەیران قبووڵ نییە

ئاڤا نیوز

 

ئەنجوومەنی باڵای فەتوای هەرێمی کوردستان لەبارەی ئەنجامدانی نوێژی هەینی لەکاتی گەشت و سەیران ڕوونکردنەوەیەک بڵاودەکاتەوە و باس لەوەدات، 'نوێژی هەینی لە گەشت و سەیران قبوڵ نییە'. 

 

وێنە گەورەکە: لەگەڵ هاتنی وەزی بەهار بەشێک لە هاووڵاتیان ڕۆژانی هەینی سەردانی ناوچە گەشتیارییەکان دەکەن کە بەشێکیان دوور لە ئاوەدانی و شوێنی نوێژکردنن، ئەمەش مشتومڕی زۆر بەدوای خۆیدا هێناوە و بەهۆیەوە لیژنەی فەتوای کوردستان ڕوونکردنەوەیەکی لەبارەیەوە بڵاوکردووەتەوە. 

ڕاگەیێنراوی فەرمی: ئەنجوومەنی فەتوا لەبارەی ئەنجامدانی نوێژی هەینی و ڕێککەوتن لەگەڵ کۆمەڵێک کەس تاوەکو لە گەشت و سەیران نوێژ بکەن ڕوونکردنەوەیەکی دوو خاڵی بڵاودەکاتەوە:-

- نوێژی هەینی فەڕزی عەینە لەسەر هەموو پیاوێکی باڵغی عاقڵی نیشتەجێی موسڵمان واجبە؛ وەکو خوای گەورە دەفەرمووێت: " يَاأَيُّهَا الَّذِينَ آمَنُوا إِذَا نُودِيَ لِلصَّلَاةِ مِنْ يَوْمِ الْجُمُعَةِ فَاسْعَوْا إِلَى ذِكْرِ اللَّهِ وَذَرُوا الْبَيْعَ ذَلِكُمْ خَيْرٌ لَكُمْ إِنْ كُنْتُمْ تَعْلَمُونَ * فَإِذَا قُضِيَتِ الصَّلَاةُ فَانْتَشِرُوا فِي الْأَرْضِ وَابْتَغُوا مِنْ فَضْلِ اللَّهِ وَاذْكُرُوا اللَّهَ كَثِيرًا لَعَلَّكُمْ تُفْلِحُونَ". (سورة الجمعة: 9ـ10).

هەر کەسێک لەدوای نوێژی بەیانی لە شار دەرچوو نوێژی هەینی لەسەر واجب دەبێت، کەواتە پێویستە یان سەرلەبەیانی نەکات یاخود بیخاتە دوای ئەنجامدانی نوێژەکە، یان لەڕێگەدا لە مزگەوتێکی ئاوەدانی کە مۆڵەتی فەرمییان هەیە بەشداری لە نوێژ بکات. 

- یەکێک لە مەرجەکانی ئەنجامدانی نوێژی هەینی پێویستە لەناو مزگەوتێکدا بێت، کەوا پێویست دەکات لەناو ئاوەدانی بێت و نوێژخوێنەکە ڕەزامەندی فەرمی هەبێت، بۆیە نابێت گرووپێک بۆخۆیان لە گەشت و سەیران نوێژی هەینی ئەنجام بدەن، ئەگەر کردیان نوێژەکەیان دروست نییە و بەتاڵە. 

-موسڵمانان هەر چۆن گرنگ بە عیبادەتەکانیان دەدەن پێویستە ئاواش گرنگ بدەن بە پارێزگاریکردن لە ژینگەی جوانی کوردستانمان.