سەدان دەرزیی دژەڤایرۆسی تای خوێنبەربوون بۆ كەركووك دەنێردرێن

ئاڤا نیوز

بەهۆی بڵاوبوونەوەی ڤایرۆسی تای خوێنبەربوون لە شارەكە و تۆماركردنی چەند حاڵەتێكی تووشبوون، سەدان دەرزیی دژەڤایرۆسی نەخۆشییەكە بۆ نەخۆشخانەكان دەنێردرێن.

ڕاگەیێنراوی فەرمی: تەندروستیی كەركووك ڕایگەیاند: 350 دەرزیی دژەڤایرۆسی تای خوێنبەربوون گەیشتوونەتە دەرمانخانەكانی نەخۆشخانەكانی شاری کەرکووک.

ئەوەی پێویستە بیزانیت: تاوەكو ئێستا چوار حاڵەتی تووشبوون بە ڤایرۆسی تای خوێنبەربوون لە سنووری كەركووك تۆمار كراوە و لەو چوار حاڵەتە دووانیان بەو هۆیەوە گیانیان لەدەست دا كە یەكێكیان پەرستارێك و ئەوی دیكەش گۆشتفرۆشێك بوو.