ژاپۆن لەڕێگەی هەورە بروسکەوە کارەبا بەرهەم دەهێنێت

ئاڤا نیوز

 

لە داهێنانێکی کەم وێنە و ناوازەدا، بۆ یەکەم جار ژاپۆن دەیەوێت لە ڕێگەی سوود وەرگرتن لە هەورە بروسکەوە کارەبا بەرهەم بهێنێت. 

 

چیرۆکی سەرەکی: لە دەستکەوتێکی زانستی نوێدا، وڵاتی ژاپۆن سەرکەوتوو بووە لە دیزانکردن و ناساندنی سیستمێکی فڕۆکەی بێفڕۆکەوان کە توانای کۆکردنەوەی وزەی هەورە بروسکەی هەیە، ئەمە سیستمە ڕێگە نادات ئەو وزە گەورەیە بەفیڕۆ بچێت و ڕاستەوخۆ بۆ دابنیکردنی کارەبا سوودی لێوەردەگرێت. 

 

ڕاگەیێنراوی فەرمی: کۆمپانیای نیپۆن تێلێگراف و تەلەفۆنی ژاپۆنی لەوبارەیەوە ڕایگەیاندووە، سیستەمێکی داڕشتووە کە بە فڕۆکەی بێفڕۆکەوان دەتوانێت هەورە بروسکە لە قەفەسێکی کانزای کۆبکاتەوە و بۆ بەرهەمهێنانی کارەبا بەکار بهێنرێتەوە.

 
زانیاریی زیاتر: ئەم فڕۆکە بێفڕۆکەوانە لە بەرزییەوە وزەی هەورە بروسکە بەلای خۆیدا ڕادەکێشێت و کۆنترۆڵی دەکات، بۆ یەکەمجار ئەو تاقیکردنەوەیە لە بەرزی 300 مەترەوە سەرکەوتنی بەدەستهێناوە. 

 

ئەمەش بزانە: کۆمپانیاکە ئەم هەنگاوەی بە کارێکی گەورە وەسفکردووە، بەجۆرێک دەتوانرێت لە ڕێگەی ئەم داهێنانەوە زیانەکانی هەورە بروسکەش تا ڕادەیەک کۆنترۆڵ بکرێت کە ساڵانە زیانی زیاتر لە 1.4 ملیار دۆلار بە ژاپۆن دەگەیەنێت.