خانەوادەیەكی هەولێر لە نزیك بەغدا تووشی ڕووداوێكی سەختی هاتووچۆ دەبن

ئاڤا نیوز

خێزانێكی هەولێر لە نزیك بەغدا تووشی ڕووداوێكی سەختی هاتووچۆ دەبن، بە پێی زانیارییە ڕۆژنامەوانییەكان سێ كەسیان گیانیان لەدەستداوە و تەنها كەسێكیان برینداربووە و ئێستا لە نەخۆشخانە چارەسەر دەكرێت.

چیرۆكی سەرەكی: ئەمڕۆ لەنزیك شاری بەغدا ڕووداوێكی هاتووچۆی تووند لەنێوان بارهەڵگرێك و ئۆتۆمبێلێكی ئەمریكی جۆری كرایسلەر كە لەنێو خەڵك بە ئۆباما ناسراوە، ڕوویداوە، شۆفێر و سەرنشینانی ئۆتۆمبێلە تایبەتەكە سەرجەمیان یەك خانەوادەن و ژن و مێرد و دوو منداڵن، بەگوێرەی ناسنامەی كەسی و مۆڵەتی شۆفێری دەردەكەوێت، خەڵكی شاری هەولێرن و دانیشتووی گەڕەكی نێرگزن، هاوكات ژمارە و تابلۆی ئۆتۆمبێلەكەش هەولێرە.

زانیاریی زیاتر: میدیاكان باس لەوە دەكەن سێ لە سەرنشینانی ئۆتۆمبێلەكە دەستبەجێ گیانیان لەدەستداوە، تەنها منداڵێكیان بە سەختی بریندارە كە كوڕێكی تەمەن 10 ساڵانە و ئێستا لە نەخۆشخانەكانی بەغدا چارەسەریی پێویست وەردەگرێت، كەمێك لەمەوبەریش كەسوكاری قوربانیانی ڕووداوەكە ئاگادار كراونەتەوە بەوەی بریندارەكەی لە نەخۆشخانە ماوە ناوی هێدی'ـیە و باوكی ناوی حەسەن هێرشە.