سەرۆکی هەرێمی کوردستان بەشداری مەراسیمی ماڵئاوایی لە پاپا دەکات

ئاڤا نیوز

سەرۆکایەتی هەرێمی کوردستان ڕایگەیاند، ئێوارەی ئەمڕۆ هەینی نێچیرڤان بارزانی، سەرۆکی هەرێمی کوردستان بەرەو ڕۆمای پایتەختی ئیتاڵیا بەڕێدەکەوێت بۆ بەشداری لە مەراسیمی ماڵئاوایی لە پاپای ڤاتیکان.

چیرۆکی سەرەکی: بڕیارە سبەی شەممە لە ڕۆمای پایتەختی ئیتاڵیا، تەرمی پاپا فڕانسیس لە ڕێوڕەسمێکی شایشتە بە ئامادەبوونی دەیان سەرکردەی وڵاتان بەڕێوەبچێت، سەرۆکی هەرێمی کوردستانیش وەکو نوێنەری عێراق و هەرێمی کوردستان بەشدار دەبێت.

ڕاگەیێنراوی فەرمی: سەرۆکایەتی هەرێمی کوردستان دەڵێت: نێچيرڤان بارزانى، سه‌رۆكى هه‌رێمى كوردستان بە نوێنەرایەتی هەرێمی کوردستان و عێراقیش سبەی شەممە بەشداری لە مەراسیمی ماڵئاوایی پاپای ڤاتیکان لە ڕۆما دەکات و ئێوارەی ئەمڕۆ هەینی بەڕێدەکەوێت.

ئەوەی پێویستە بیزانیت: پاپا فڕانسیس، لە ئاداری 2021 سەردانی هەرێمی کوردستانی کرد، لەگەڵ مەسیحیەکانی کوردستان لە یاریگای فەرەنسۆ هەریری نوێژی بە کۆمەڵی کرد.

باکگراوند: ڕۆژی 21ـی ئەم مانگە پاپا فڕانسیس، پاپای ڤاتیکان دوای تووشبوونی بە نەخۆشی هەوکردنی سییەکان لە تەمەنی 88 ساڵیدا کۆچی دوایی کرد. پاپا فرانسیس یەکەم پاپایە لە مێژوودا سەردانی هەرێمی کوردستانی کردبێت.