ئەم دوو ڕۆژە ئاسمان هەور و نمە بارانی لەگەڵ دەبێت

ئاڤا نیوز

 

بەشی پێشبینی کەشناسی دەڵێت: ئەم دوو ڕۆژە ئاسمانی شارەکانی هەرێمی کوردستان هەور دەبێت، بەشێوەی پچڕ پچڕ نمە بارانی لەگەڵ دەبێت، بەڵام ئەمڕۆ شەممە لەگەڵ باران هەورە تریشقەش دەبێت.

 

ڕاگەیێنراوی فەرمی: بەشی پێشبینی کەشناسی وەزارەتی گواستنەوە و گەیاندن دەڵێت: ئەمڕۆ شەممە ئاسمان هەوری تەواو دەبێت، لە دوای نیوەڕۆوە باران بارین هەموو ناوچەکان دەگرێتەوە، بەڵام کورتخایەن دەبێت. لە هەندێ شوێن هەورە تریشقەشی لەگەڵ دەبێت و ئەم دۆخە تا درەنگانی ئەمشەو بەردەوام دەبێت. لەگەڵ خۆیدا ئەم بارانە دوو تا چوار پلەی گەرمی دادەبەزێنێت.

 

لێدوانی فەرمی: شێخ دارا، شارەزای کەشناسی و پێشکەشکاری ئاڤا ڕایگەیاند، لەگەڵ هاتنی شەپۆلی بارانبارین کاریگەری خۆڵبارین لەسەر هەرێمی کوردستان کۆتایی دێت.

- سەبارەت بە کەشی بەیانی، کەشناسی دەڵێت: سبەی ئاسمان نیمچە هەور دەبێت و لای ئێوارەکەی بۆ هەوری تەواو دەگۆڕێت.

ئەمانە پێشبینی کەشوهەوای ئەمڕۆن بە پلەی سیلیزی: 
سلێمانی : 30 پلەی سیلیزی
دهۆک : 28 پلەی سیلیزی 
کەرکوک : 32 پلەی سیلیزی 
زاخۆ : 29 پلەی سیلیزی
هەڵەبجە : 31 پلەی سیلیزی
سۆران : 25 پلەی سیلیزی
حاجی ئۆمەران :20 پلەی سیلیزی
گەرمیان : 33 پلەی سیلیزی