هۆشیار زێباری: سەرۆک بارزانی ڕۆڵێکی گەورەی بینی لە هێورکردنەوەی گرژییەکانی سووریا

ئاڤا نیوز

 

هۆشیار زێباری، وەزیری پێشووی دەرەوەی عێراق و ئەندامی دەستەی کارگێڕیی مەکتەبی سیاسیی پارتی ڕایدەگەیەنێت، هەرێمی کوردستان و سەرۆک بارزانی وەک ڕابەریی کورد، ڕۆڵێکی گاریگەرییان هەبوو لە هێورکردنەوەی دۆخیی ئەمنی سووریا و هەڵنەگیرسانی شەڕ لەو وڵاتە.

 

وێنە گەورەکە: هۆشیار زێباری، وەزیری پێشووی دەرەوەی عێراق و ئەندامی دەستەی کارگێڕیی مەکتەبی سیاسیی پارتی دیموکراتی کوردستان، لە دیدارێکی تەلەفزیۆنی لەگەڵ کەناڵی 'ئەلعەرەبیە' وەڵامی ژمارەیەک پرسیاری پەیوەست بە دۆخی سیاسی و ئەمنیی ناوچەی ڕۆژهەڵاتی ناوەڕاست و پێشهاتە نوێیەکانی ناوچەکەی دایەوە و تیشکی خستەسەر ڕۆڵی گرنگی سەرۆک بارزانی لە هێورکردنەوەی گرژییەکان.

 

لێدوانی فەرمی: هۆشیار زێباری ڕایگەیاند، هەرێمی کوردستان سوودی لەو پەیوەندییە بەهێزە وەرگرت کە لەگەڵ هەریەک لە تورکیا و هێزە سیاسی و ئەمنییەکانی ڕۆژئاوای کوردستان هەیەتی، توانرا شەڕ لەنێوان هەسەدە و گروپە چەکدارەکانی نزیک لە تورکیا بوەستێندرێت.

- هاوکات ئاسانکاریی پێویستمان کرد بۆ لێکنزیککردنەوەی هەسەدە و هێزە سیاسییەکانی دیکەی کورد لە سووریا لەلایەک و نێوانی هەسەدە و دەسەڵاتیی نوێی سووریا لە دیمەشق لەلایەکی دیکەوە.

- سەرۆک بارزانی وەک ڕابەری کورد، ڕۆڵێکی گەورەی بینی لە کۆکردنەوەی لایەنە سیاسییە کوردەکانی سووریا و ئامۆژگاری کردن بەوەی بەرژەوەندی نیشتمانی پێش بەرژەوەندی حیزبی و کەسی بخەن.

 

ئەوەش بزانە: هەرێمی کوردستان بەهیچ جۆرێک دەست لە کاروباری ناوخۆی سووریا وەرنادات، بەڵام دۆخی ئەمنیی ئەو وڵاتە کاریگەریی ڕاستەوخۆی لەسەر ئارامی وسەقامگیری عێراق و هەرێمی کوردستان هەیە، لەم سۆنگەیەوە مەبەستمانە دۆخی سووریا سەقامگیر بێت و ئامادەی هەرجۆرە هاوکارییەک بووینە و دەبین بۆ زامنکردنی ئەو سەقامگیرییە. ئەوەش بەپێی وتەکانی وەزیری پێشووی دەرەوەی عێراق.