مەسرور بارزانی دۆخی ناوچەكە لەگەڵ سەرۆكی ئەنجوومەنی نوێنەرانی ئوردن تاوتوێ دەكات

ئاڤا نیوز

سەرۆكوەزیران مەسرور بارزانی، دۆخی ناوچەكە لەگەڵ سەرۆكی ئەنجوومەنی نوێنەرانی شانشینی ئوردن تاوتوێ دەكات و سوپاس و پێزانینی هەرێمی كوردستانی بۆ پشتیوانیی بەردەوامی ئوردن و شا عەبدوڵڵای دووەمی، دووپات كردەوە.

 

وێنە گەورەكە: ئەمڕۆ 26-4-2025، سەرۆكوەزیران مەسرور بارزانی، پێشوازی لە ئەحمەد سەفەدی، سەرۆکی ئەنجوومەنی نوێنەرانی شانشینی ئوردن کرد.

 

لێدوانی فەرمی: سەرۆکی ئەنجوومەنی نوێنەرانی ئوردن، خۆشحاڵی خۆی بە سەردانی هەرێمی کوردستان و پێشکەوتن و ئاوەدانیی كوردستان دەربڕی و ئاماژەی بە پەیوەندیی بەهێز و دۆستانەی نێوان هەرێمی کوردستان و ئوردن کرد و ئامادەیی وڵاتەکەی بۆ پێشخستنی زیاتری پەیوەندیی دوولایەنە لە بوارە جۆراوجۆرەکاندا نیشاندا.

 

لەلایەکی دیەکەوە: مەسرور بارزانی، سەرۆکی حکومەتی كوردستان، جەختی لە گرنگیی پەرەپێدانی پەیوەندیی دۆستانە و لەمێژینەی نێوان هەرێمی كوردستان و ئوردن کردەوە و سوپاس و پێزانینی هەرێمی کوردستانی بۆ پشتیوانیی بەردەوامیی شانشینی ئوردن و شا عەبدوڵلای دووەم دووپات کردەوە.

 

بابەتە ستراتیژییەكە: دۆخی گشتیی ناوچەی ڕۆژهەڵاتی ناوەڕاست و پێویستیی پاراستنی ئاسایش و سەقامگیریی ناوچەكە، تەوەری سەرەكی گفتوگۆكان بوو.

 

زانیاریی زیاتر: چاکسازییەکانی حکومەتی هەرێمی کوردستان لە بوارەکانی وزە و دارایی و بەدیجیتاڵکردنی خزمەتگوزارییە گشتییەکان بەشێكی دیكەی كۆبوونەوەكان بوو.