فایلی خەڵک؛ ژمارەیەک سەربازی کورد چاوەڕێی واژۆی وەزیری بەرگری عێراقن بۆ دەوامکردن

ئاڤا نیوز

زیاتر لە 400 سەرباز کە بە لیوای 20ـی هاوبەش ناسراون ، نزیکەی دوو ساڵە بایۆمەتریان کردووە و چاوەڕێی دامەزراندنن لەسەر میلاکی وەزارەتی بەرگری عێراق.

چیرۆکی سەرەکی: 422  سەربازی کورد، لە 2024-07-15، چاوپێکەوتن و پشکنینی پزیشکیان بۆ کراوە، بە فەرمانی وەزارەتی پێشمەرگە بایۆمەتریان کردووە، چاوەڕێی واژۆی وەزیری بەرگری عێراقن بۆ ئەوەی کارەکانی دامەزراندنیان تەواو بێت و دەستبکەن بە دەوامکردن.

لێدوانە فەرمییەکان:

٠ لیوا عەبدوڵخالق تەڵعەت، نوێنەری حکومەتی هەرێمی کوردستان لە فەرماندەیی هێزە چەکدارەکانی عێراق، بە ئاڤا میدیای ڕاگەیاند، بەدواداچوونمان بۆ چارەنووسی ئەو سەربازانە کردووە، لەدوای پەسندکردنی بودجەی عێراق مووچەیان بۆ دەبەسترێت و لەلایەن وەزیری بەرگری عێراق واژۆ لەسەر لیستی ناوەکان دەکرێت.

٠ مەریوان قەرەنی، ئەندامی لیژنەی وەزارەتی بەرگری لە پەرلەمانی عێراق، بە ئاڤا میدیای ڕاگەیاند، ئەم سەربازانە مامەڵەیان تەواو بووە، لە چاوپێکەوتن دەرچوون و پشکنینی پزیشکیان تەواو کراوە، تەنیا چاوەڕێی پەسندکردنی بودجەی عیراقن بۆ ئەوەی مووچەیان بۆ ببەسترێت و دەست بە دەوام بکەن.