فایلی خەڵک؛ جووتیارانی پیرەمەگروون ناڕازین لە دابەشکردنی زەوییەکانیان

ئاڤا نیوز

لەبەرامبەر دابەشکردنی زەویە کشتوکاڵیەکانیان بەسەر فەرمانبەران، جووتیارانی پیرەمەگروون لەبەردەم پارێزگای سلێمانی گردبوونەوە و پارێزگاری سلێمانیش بەڵێنی پێداون کێشەکەیان بۆ چارەسەر بکات.

چیرۆکی سەرەکی: جووتیارانی گوندی قایدکەندی سەر بە ناحیەی پیرەمەگرون کە لە دەرەوەی ماستەرپلانی سلێمانی دایە، لەبەردەم پارێزگای سلێمانی ناڕەزایەتیان دەربڕی لەبەرامبەر دابەشکردنی زەویە کشتوکاڵیەکانیان بەسەر فەرمانبەران.

لێدوانی فەرمی: سەردار قادر، یەکێک لە جووتیارەکان بە ئاڤا میدیا ڕاگەیاند: دابەشکردنی ئەو زەوییانە ئەنفالێکی دیکەیە بەسەرماندا دەکرێت.

زانیاریی پەیامنێر: چۆمان مەحموود، پەیامنێری ئاڤا میدیا دوای کۆبوونەوەی جووتیاران لەگەڵ پارێزگاری سلێمانی، هەڤال ئەبوبەکر، بەدواداچوونی بۆ کێشەی ئەو جووتیارانە کرد، بەپێ زانیارییەکان پارێزگاری سلێمانی بەلێنی پێداون گرفتەکەیان بۆ چارەسەر بکات زەوی جێگرەوە بۆ فەرمانبەران دابنرێت و فەرمانی دابەشکردنی زەوییەکان هەڵبوەشێتەوە. هاوکات گرفتەکە بخرێتە بەردەم بەڕێوەبەرایەتی کشتوکاڵی سلێمانی بۆ چارەسەری بنەرەتی.