مەسرور بارزانی و بافڵ تاڵەبانی لە دووکان کۆدەبنەوە

ئاڤا نیوز

 

پارتی و یەکێتی لەبارەی پێکهێنانی حکومەت لەسەر ئاستی باڵا کۆدەبنەوە و بۆ یەکەمجار بەڕاشکاوی دابەشکردنی پۆستەکان و چەند پرسێکی گرنگ تاوتوێ دەکەن.

 

وێنە گەورەکە: کۆبوونەوەکەی ئەمڕۆ دووشەممە، دوای کۆبوونەوەکەی پیرمام دێت کە ڕۆژی 15-4-2025، لەنێوان هەردوو شاندی دانوستانکاری پارتی و یەکێتی بەڕێوەچوو، چاوەڕوان دەکرێت کۆبوونەوەکان چڕتر بکرێنەوە، بۆ ئەوەی بابەتی دابەشکردنی پۆستەکان بخرێنەڕوو و گفتوگۆیان لەسەر بکرێت.

 

زانیاری تایبەت: ئەندامێکی ئەنجوومەنی سەرکردایەتیی یەکێتی نیشتمانی کوردستان، بە ئاڤا میدیای ڕاگەیاند: لەنێوان کاتژمێر 12:00 بۆ 1:00ی پاشنیوەڕۆی ئەمڕۆ، مەسرور بارزانی و شاندی یاوەری لەگەڵ بافڵ تاڵەبانی سەرۆکی یەکێتی نیشتمانی کوردستان لە دووکان کۆدەبنەوە.

 

- پرسی پێکهێنانی کابینەی نوێی حکومەتی هەرێمی کوردستان، تەوەری سەرەکی گفتوگۆکان دەبن، هاوکات پرسی هەڵبژاردنی پەرلەمانی عێراق و دۆخی ناوچەکە لە کۆبوونەوەکەدا تاوتوێ دەکرێن.

 

زانیاریی پەیامنێر: کوردستان حەسەن، پەیامنێری دیپلۆماسیی ئاڤا ڕایگەیاند، کۆبوونەوەی ئەمڕۆی نێوان مەسرور بارزانی و بافڵ تاڵەبانی لە ماڵی مام جەلال دەبێتە لە هاوینەهەواری دووکان، بڕیارە کۆبوونەوەکە کاتژمێر 12 بکرێت، شاندی باڵای هەردوولایەنیش بەشداریی دەکەن بە ئەگەرێکی زۆرەوە کۆبوونەوەیەکی یەکلاکەرەوە دەبێت.

 

ئەوەی پێویستە بیزانیت: 20-10-2024، هەڵبژاردنی پەرلەمانی کوردستان بەڕێوەچوو، پارتی و یەکێتی براوەی یەکەم و دووەمی هەڵبژاردنەکە بوون.