کۆبوونەوەی شاندی باڵای پارتی و یەکێتی لە دووکان بەڕێوەدەچێت

ئاڤا نیوز

 

کۆبوونەوەی نێوان هەردوو شاندی باڵای پارتی دیموکراتی کوردستان و یەکێتی نیشتمانی کوردستان لە دووکان بەڕێوەدەچێت، بڕیارە گفتوگۆ لەسەر چەند پرسێکی گرنگ بکەن.

 

چیرۆکی سەرەکی: کاتژمێر 01:30ی ڕۆژی دووشەممە کۆبوونەوەی نێوان هەردوو شاندی باڵای پارتی و یەکێتی بەسەرپەرشتی ڕاستەوخۆی سەرۆکوەزیران مەسرور بارزانی و بافڵ تاڵەبانی، سەرۆکی یەکێتی لە دووکان دەستیپێکرد.

 

زانیاریی پەیامنێر: کوردستان حەسەن، پەیامنێری دیپلۆماسیی ئاڤا ڕایگەیاند، هۆشیار زێباری و قوباد تاڵەبانی وەک سەرۆکی شاندی دانوستانکاری پارتی و یەکێتی کە لە کۆبوونەوەکانی ڕابردوودا بەشداربوون، بڕیارە لە کۆبوونەوەکەی ئەمڕۆشدا بەشداربن.

 

زانیاریی تایبەت: ئەندامێکی سەرکردایەتی یەکێتی نیشتمانی بە ئاڤا میدیای ڕاگەیاند: پرسی پێکهێنانی حکومەتی هەرێمی کوردستان تەوەری سەرەکی گفتوگۆکان دەبن، هاوکات پرسی هەڵبژاردنی پەرلەمانی عێراق و دۆخی ناوچەکە لە کۆبوونەوەکەدا تاوتوێ دەکرێن.

 

- ئاڤا زانیویەتی، ئەندامانی شاندی پارتی دیموکراتی کوردستان پێکهاتوون لە سەرۆکوەزیران مەسرور بارزانی، هۆشیار زێباری، ئومێد سەباح، دڵشاد شەهاب، پشتیوان سادق، هاوکات ئەندامانی شاندی یەکێتی لە بافڵ جەلال تاڵەبانی، قوباد تاڵەبانی، دەرباز کۆسرەت رەسوڵ، رێواس فایەق، ئامانج رەحیم، نزار ئامێدی، شاڵاو سەڵاح پێکهاتوون.