کۆبوونەوەی مەسرور بارزانی و بافڵ تاڵەبانی لە دووکان کۆتایی هات

ئاڤا نیوز
 
کۆبوونەوەی نێوان سەرۆکوەزیران مەسرور بارزانی و بافڵ تاڵەبانی لە ماڵی مام جەلال لە دووکان کۆتایی هات، هاوکات کۆبوونەوەی شاندی باڵای هەردوولایەن دەستیپێکرد، بەمەبەستی گفتوگۆکردن لەسەر پرسی دابەشکردنی پۆستەکان. 

 

وێنە گەورەکە: ئەمڕۆ دووشەممە 28-4-2025، سەرۆکوەزیران مەسرور بارزانی و شاندی یاوەری لەگەڵ بافڵ تاڵەبانی، سەرۆکی یەکێتی نیشتمانی لە دووکان کۆبوونەوە، ئامانج لە کۆبوونەوەکەیان گفتوگۆکردن بوو لەسەر چەند پرسێی گرنگ پەیوەست بە دابەشکردنی پۆستەکانی و پێکهێنانی کابینەی نوێی حکومەت. 

 

زانیاریی پەیامنێر: کوردستان حەسەن، پەیامنێری دیپلۆماسیی ئاڤا ڕایگەیاند، لەدوای کۆبوونەوەی نێوان مەسرور بارزانی و بافڵ تاڵەبانی، کۆبوونەوەی نیوان هەردوو شاندی دانوستانکار لەسەر پرسی دابەشکردنی پۆستەکانی کابینەی نوێی حکومەتی هەرێمی کوردستان دەستیپێکردووە.

 

زانیاریی زیاتر: شاندی پارتی لە هۆشیار زێباری، پشتیوان سادق، دڵشاد شەهاب، ئومێد سەباح، هەروەها شاندی یەکێتی لە قوباد تاڵەبانی، دەرباز کۆسرەت، ڕێواس فایەق، ئامانج ڕەحیم، شاڵاو شێخ سەلاح پێکهاتوون.