کۆبوونەوەی شاندی باڵای یەکێتی و پارتی کۆتایی هات

ئاڤا نیوز

 

کۆبوونەوەی شاندی باڵای نێوان پارتی دیموکراتی کوردستان و یەکێتی نیشتمانی کوردستان لە دووکان کۆتایی هات، کۆبوونەوەکە تایبەت بوو بە گفتوگۆکردن لەسەر دابەشکردنی پۆستەکان. 

 

وێنە گەورەکە: ئەمڕۆ دووشەممە 28-4-2025، سەرۆکوەزیران، مەسرور بارزانی و شاندی یاوەری لەگەڵ بافڵ تاڵەبانی، سەرۆکی یەکێتی نیشتمانی و شاندی یاوەری لە دووکان کۆبووەوە.

 

زانیاریی پەیامنێر: کوردستان حەسەن، پەیامنێری دیپلۆماسی ئاڤا ڕایگەیاند: کۆبوونەوەی نێوان هەردوو شاندی دانوستانکاری پارتی و یەکێتی لە دووکان کۆتایی هات.

 

زانیاریی زیاتر: شاندی پارتی لە هۆشیار زێباری، پشتیوان سادق، دڵشاد شەهاب، ئومێد سەباح، هەروەها شاندی یەکێتی لە قوباد تاڵەبانی، دەرباز کۆسرەت، ڕێواس فایەق، ئامانج ڕەحیم، شاڵاو شێخ سەلاح پێکهاتوون.

 

ئەوەی پێویستە بیزانیت: لە کۆبوونەوەکەدا هەردوو شاندەکە گفتوگۆیان لەسەر دابەشکردنی پۆستەکانی کابینەی نوێی حکومەتی هەرێمی کوردستان کردووە.