هاوبەش جیهان گۆرانی "چاوەکەم" بڵاودەکاتەوە

ئاڤا نیوز

هاوبەش جیهان دووەم بەرهەمی خۆی بەناوی "چاوەکەم" بڵاودەکاتەوە کە بەشێوەی ڤیدیۆ کلیپ ئامادەی کردووە.

وێنە گەورەکە: گیتارژەن و گۆرانیبێژی لاوی  شاری سلێمانی "هاوبەش جیهان" تیزەری نوێترین بەرهەمی خۆیی بە ناوی (چاوەکەم) بڵاوکردەوە و بە ئاڤا میدیاشی ڕاگەیاند، "لە ناوەڕاستی هەفتەی داهاتوودا تەواوی ڤیدیۆ کلیپەکە بڵاودەکەمەوە".

ئەوەی پێویستە بیزانیت: چاوەکەم، دووەم بەرهەمی تایبەتی هاوبەش جیهانە کە ڤیدیۆ کلیپی بۆ بەرهەمهێنابێت.

لێدوانی فەرمی: هاوبەش جیهان لەبارەی ئەم بەرهەمەی بە ئاڤا میدیای ڕاگەیاند، گۆرانییەکە پێشتر ئامادەکراوە و (ئەحمەد ئەنوەر) ئاوازی گۆرانییەکەی داناوە و (نیهاد جەمشیر) بە ستایلی (پۆپ کلاسیک) کاری موزیکی بۆ کردووە.

- "ئێستا جارێکی دیکە گۆرانییەکەم ئامادە کردووەتەوە و بە ستایلی (سۆفت ڕۆک) بڵاوی دەکەمەوە".

- "کاتێک دەستکاری بەرهەمەکەم کردووە، پرسم بە خاوەنی بەرهەمە کردووە".