سوپای پاسداران كۆڵبەرێكی كورد دەكوژن و تەرمەكەی لەژێر بەفردا دەشارنەوە

ئاڤا نیوز

هێزێكی سوپای پاسدارانی ئێران لە ڕۆژهەڵاتی کوردستان، دەستڕێژی گوللە لە كۆڵبەرێكی كورد دەكەن و دوای گیانلەدەستدانی تەرمەكەی لەژێر بەفردا دەشارنەوە.

چیرۆکی سەرەکی: لە سنووری ناوچەی پەنکێ لە پیرانشار، سوپای پاسداران تەقە لە کۆڵبەرێکی کورد دەکەن و دەیکوژن، دواتر بۆ ئەوەی تەرمەکەی ڕادەستی کەسوکارەکەی نەکەنەوە، لەژێر بەفردا دەیشارنەوە. 

ڕاگەیێنراوی فەڕمی: ڕێکخراوی هەنگاو بۆ مافەکانی مرۆڤ ڕایگەیاند: نزیکەی 48 کاتژمێر گەڕاون بەدوای تەرمی کۆڵبەرەکەدا سەرئەنجام لە ژێر بەفردا لە ناوچەیەک لە شاخەکانی پیرانشار دۆزراوەتەوە، کە فیشەکێک بەر شانی ڕاستی كەوتووە.

زانیاری زیاتر: کۆڵبەرەکە خەڵکی ناوچەی پیرانشارە لە ڕۆژهەڵاتی کوردستان،  خێزندارە و باوکی منداڵێکە، دووای دوو ڕۆژ و دوو شەو لە بێسەروشوێنبوونی دۆزراوەتەوە.