پاڵەوانێتیی کوردستان دیبەت لە هەولێر بەڕێوەچوو

ئاڤا نیوز

 

پاڵەوانێتیی کوردستان دیبەت لە هەولێر بەڕێوەچوو، دیبەیتە لەلایەن کوردستان فاوندەیشنەوە ڕێکخرابوو و 30 قوتابخانە بەشدارییان تێدا کرد.

 

وێنە گەورەکە: دیبەیتەکە لەلایەن کوردستان فاوندەیشنەوە ڕێکخرابوو، ئامانج لێی زیاتر ئاشناکردنی گەنجانە بە کولتووری گەنگەشە و دیبەیت لە هەرێمی کوردستان. 30 قوتابخانە لە تەواوی هەرێمی کوردستانەوە بۆ ماوەی چوار مانگ کێبڕکێیان کرد و لە قۆناغی کۆتاییدا دوو تیم بە زمانی کوردی و دوو تیم بە زمانی ئینگلیزی کێبڕکێی بەدەستهێنانی پلەی یەکەمیان کرد و لە کۆتاییدا خەڵاتی یەکەم و دووەمیان پێ بەخشرا. 

 

زانیاریی زیاتر: گەنج، قوتابی و پەروەردکار و کاربەدەستان لە یەک شوێندا کۆبوونەوە، بەمەبەستی گرنگیدان و ئاشنابوون بە دیبەیت و کاریگەرییەکەی لەسەر فراوانبوونی هزر و بیری گەنجان. 

ئەوەی پێویستە  بیزانیت: ڕۆژێکی تایبەت و جیاواز بوو بۆ چینی گەنجان کە هەمیشە لەلایەن دامەزراوەی کوردستان فاوندەیشنەوە گرنگیان پێدەدرێت و بە ڕێگەی جیاوازەوە هەوڵی بەرەوپێشبردنیان دەدەن.