پشووی کۆتایی ئەم هەفتەیە کەرتی تایبەتیش دەگرێتەوە

ئاڤا نیوز

 

بەبۆنەی ڕۆژی جەژنی جیهانیی کرێکارانەوە، 1ی ئایار لە تەواوی فەرمانگەکانی سەربە حکومەتی هەرێمی کوردستان و کەرتی تایبەتیش پشووی فەرمی دەبێت. 

 

وێنە گەورەکە: ساڵانە لە سەرتاسەری وڵاتانی جیهان لە ڕۆژی یەکی ئایاردا، ڕێوڕەسم و چالاکی جیاواز ئەنجام دەدرێن و بە جەژنی کرێکارانی جیهان ناسێندراوە، هاوکات لە نزیکەی هەشتا وڵات پشووی فەرمییە و کرێکاران لەو ڕۆژەدا ناچنە سەر کار. 

 

ڕاگەیێنراوی فەرمی: فەرمانگەی میدیا و زانیاری حکومەتی هەرێمی کوردستان ڕایگەیاند، ڕۆژی پێنجشەممە کە دەکاتە 1ی ئایار لە کەرتی گشتی و کەرتی تایبەت پشووی فەرمی دەبێت. 

 

باکگراوند: لە ساڵی 1886دا کرێکارانی شیکاگۆ، سەرجەمیان وازیان لە کارکردن هێنا و ڕژانە سەر شەقامەکان کە ژمارەیان لە نێوان 350 بۆ 450 هەزار كرێكار دەبوو، کە دروشمی "هەشت کاتژمێر کار، هەشت کاتژمێر پشوو، هەشت کاتژمێر خەوتن"یان بەرزکردبووەوە ئەمەش کاریگەریی کردبووە سەر تەواوی کەرتە ئابوورییەکان، دواتر بەهۆی دروستبوونی ئاڵۆزی و گرژییەوە تەقینەوەیەک لەنێو کۆمەڵێک پۆلیس ڕوویدا و بووە هۆی گیان لەدەستدانی ژمارەیەکیان.