وەزیری ئاوەدانکردنەوە: ڕێگای نێوان شارەکان دەکرێن بە جووتساید

ئاڤا نیوز

وەزارەتی ئاوەدانکردنەوە پلانی بۆ بە جووتسایدکردنی ڕێگای نێوان شارەکانی هەرێمی کوردستان هەیە، وەزیری ئاوەدانکردنەوەش لەوبارەیەوە دەڵێت 'دوای ڕێگا سەرەکییەکان، کار لەسەر ڕێگا لاوەکیەکانیش دەکەین'.

وێنە گەورەکە: لە کابینەی نۆی حکومەتی هەرێمی کوردستاندا، بایەخێکی زۆر بە دروستکردن و چاککردن و تەواوکردنی ڕێگاوبانەکان دراوە، بەتایبەت ڕێگای نێوان شارەکان.

لێدوانی فەرمی: دانا عەبدولکەریم، وەزیری ئاوەدانکردنەوەی حکومەتی هەرێمی کوردستان، بە ئاڤای ڕاگەیاند: پلانمان ئه‌وه‌یه‌ سه‌رجه‌م ڕێگا سه‌ره‌كییه‌كانی نێوان پارێزگاكان بكرێن به‌ دووساید، دوای ته‌واوكردنی ڕێگا سه‌ره‌كییه‌كان، كار لەسەر‌ ڕێگا لاوه‌كییه‌كان ده‌كه‌ین.

- له‌ سنووری قه‌زای به‌رده‌ڕه‌ش نزیكه‌ی 900 كیلۆمه‌تر لە ڕێگا سه‌ره‌كی و لاوه‌كییەکانی گونده‌كان پێویستیان به‌ چاككردن و پاراستن هه‌یه‌.