ترەمپ: پووتین وازی لە خەونەکەی هێناوە و ئاشتی دەوێت

ئاڤا نیوز

 

سەرۆکی ویلایەتە یەکگرتووەکانی ئەمریکا ڕایگەیاند، ڤلادیمێر پووتین هاوتا ڕووسیەکەی ئاشتی دەوێت و وازی لە خەونی دەستبەسەرداگرتنی ئۆکرانیا هێناوە.

 

وێنە گەورەکە: ئێوارەی رۆژی سێشەممە، لە ئاهەنگێکدا بەبۆنەی 100 ڕۆژەی دەستبەکاربوونی وەک سەرۆکی ئەمریکا بە ڕۆژنامەنووسانی ڕاگەیاند، خەونی پووتین دەستبەسەرداگرتن و بەڕێوەبردنی تەواوی ئۆکراینا بوو بەڵام ئێستا هەمان خەونی نییە.

 

لێدوانی فەرمی: دۆناڵد ترەمپ، سەرۆکی ویلایەتە یەکگرتووەکانی ئەمریکا لە وەڵامی ئەوەی پێیوایە پووتین کۆتایی بە جەنگی سێ ساڵەی ئۆکراینا بهێنێت ڕایگەیاند: پووتین بیری لەوە نەکردووەتەوە بەڵام بەهۆی منەوە دەستبەرداری خەونەکەی دەبێت. 

 

ئەمەش بزانە: کاتێک پرسیاری ئەوەی لێکرا کە ئایا متمانەی بە سەرۆکی ڕووسیا هەیە، ترەمپ گوتی، ''متمانەم بە خەڵکێکی زۆر نییە''.

 

باکگراوند: لە سەرەتایی دەستبەکاربوونی دۆناڵد ترەمپ، وەک سەرۆکی ئەمریکا لە مانگی یەکی ئەمساڵ ترەمپ دەستی بە نزیکبوونەوەی لەگەڵ پووتین کردووە بۆ ڕاگرتنی شەری سێ ساڵەی لەگەڵ ئۆکراینا بەڵام تا ئێستا نەیتوانیوە دڵنیای تەواو لە مۆسکۆ وەربگرێت بۆ ڕاگرتنی ئەو شەرە.