لە شەڕی ئۆکراینا 600 سەربازی کۆریای باکوور کوژراون

ئاڤا نیوز

 

دوای ئەوەی کۆریای باکوور و ڕووسیا بەشداریکردنی سەربازانی کۆریای باکوور لە شەری دژی ئۆکراینا ئاشکرا کرد، ئاماری کوژراوان ئاشکرا دەکرێت.

زانیاریی بەدەستهاتوو: دوای ئەوەی ڤلادیمێر پووتین، سەرۆکی ڕووسیا ستایشی "قارەمانێتی سەربازانی کۆریای باکووری کرد کە بەشدارییان لە شەڕی کورسکدا کرد، بەرپرسێکی هەواڵگری کۆریای باشوور ڕایگەیاند، لە شەری ئۆکراینا زیاتر لە 600 سەرباز کوژران و سەدانی دیکەش برینداربوون.

 

ئەوەی پیویستە بیزانیت: ئەو بەرپرسە ئاشکرای کرد، نزیکەی نزیکەی دوو هەزار سەربازی بریندار لە ماوەی مانگی یەک تا مانگی ئازار بە فڕۆکە یان شەمەندەفەر گەڕاونەتەوە وڵاتەکەیان بۆ چارەسەر کردنیان.

 

زانیاریی زیاتر: کۆریای باکوور پاڵپشتی هێزەکانی ڕوسیای کردووە لە کۆنترۆڵکردنەوەی  کورسک بە جێگیرکردنی 18 هەزار سەرباز لە دوو قۆناغدا، دیار نییە ئایا سەربازی زیاتر لە ڕووسیا جێگیر دەکەن یاخو نا.

 

پێدراوە ڕاستەکان: ڕۆژی دووشەممەی ڕابردوو ئاژانسی هەواڵی فەرمی کۆریای باکوور، بۆ یەکەمجار لە دوای دەستپێکردنی هێرشی ڕووسیا بۆ سەر ئۆکراینا ئاشکرایکرد، بەپێی پەیماننامەی بەرگریی هاوبەشی نێوان هەردوو وڵات، هێزی سەربازی ڕەوانەی ڕووسیا کردووە.