ئاڤا میدیا گرفتی خەڵکی پیرزین دەگەیێنێتە لایەنی پەیوەندیدار

ئاڤا نیوز

 

ئاڤا میدیا گرفتی کۆبوونەوەی زبڵ و خاشاک لە دەورووبەری پیرزین و خراپی ڕێگای سەرەکیی گەڕەکەکە دەگەیێنێتە لایەی پەیوەندیدار.

 

داواکاریی خەڵک: هاووڵاتیان لە گەڕەکی پیرزین لە سنووری قەزای بەحرکەی سەر بە هەولێر، پەیوەندی بە ئاڤا میدیاوە دەکەن و دەڵێن: زبڵ و خاشاک لە دەورووبەری پیریزین فڕێ دەدرێت و دەسووتێندرێت، هەروەها ڕێگای سەرەکیی پیرزین پڕ بووە لە چاڵ و چۆڵ.

 

لێدوانی فەرمی: ئازاد تاقانە، سەرۆکی شارەوانیی پیرزین بە ئاڤای گوت: ئاگاداری ئەوەنین کە زبڵ و خاشاک لە دەورووبەری پیریزن فڕی درابێت، هەر کەسێک لەو بابەتە ئاگادارە با پەیوەندیمان پێوە بکات و شوێنەکانمان پێ بڵێت. 

 

گۆشەیەکی دیکەی دیمەنەکە: لەبارەی شەقامی سەرەکیی پیرزین، یوسف تاقانە گوتی: دەرخستەی تەواو بۆ پرۆژەکە کراوە، بە دڵنیاییەوە ئەمساڵ دەست بە نوێکردنەوەی دەکرێت و بەشیوازێکی سەردەمیانەش فراوانتر دەکرێت. 

 

زانیاریی بەدەستهاتوو: ئاڤا میدیا زانیویەتی پرۆژەکە ملیارێک و 200 ملیۆن دیناری بۆ دەرچووە، کە شەقامێکی 15 مەتری بۆ ئامادە دەکرێت، نۆ مەتر بۆ هاتووچۆی ئۆتۆمبێلەکان و شەش مەتر بۆ پیادەڕۆیی.