زانیاریی نوێ سەبارەت بەو هاونیشتمانییەی تووشی تای خوێنبەربوون بووە ئاشکرا دەکرێت

ئاڤا نیوز

 

دوێنێ یەكەم  تووشبووی تای خوێنبەربوون لە هەرێمی كوردستان تۆمار كرا كە هاونیشتمانییەكی دانیشتووی شاری كۆیەیە و گوتەبێژی تەندروستیی شارەكەش چەند زانیارییەك سەبارەت بە تووشبووەكە ئاشكرا دەكات.

 

لێدوانی فەرمی: هاوكار عەلی، گوتەبێژی تەندروستیی كۆیە بە ئاڤا میدیای ڕاگەیاند: ئەو كەسەی كە تووشی تای خوێنبەربوون بووە و یەكەم حاڵەتی نەخۆشییەكەیە لە هەرێمی كوردستان، دانیشتووی قەزای كۆیەیە بەڵام گۆشتفرۆش نەبووە بەڵكوو لە دەووربەری كۆیە سەرقاڵی كڕین و فرۆشتنی ئاژەڵ بووە.

 

زانیاریی زیاتر: دوای ئەوەی نەخۆشەكە كە تەمەنی 42 ساڵە، چەند نیشانەیەكی نەخۆشییەكەی هەبووە و سەردانی نەخۆشخانەی شەهید خالیدی لە شاری كۆیە كردووە، لەوێ گومانی تووشبوون بە تای خوێنبەربوونی لێدەكرێت و ڕاستەوخۆ بە ئۆتۆمبێلی فریاكەوتن دەگواسترێتەوە بۆ یەكێك لە نەخۆشخانەكانی شاری هەولێر و بەپێی گوتەی گوتەبێژی تەندروستیی كۆیە، ئێستا دۆخی تەندروستیی جێگیرە.