پەیامی سەرەخۆشی سەرۆک بارزانی بۆ باکووری کوردستان

ئاڤا نیوز

دوای کۆچی دوایی سری سورەییا ئوندەر، هاوسەرۆکی پێشووی دەم پارتی و بریکاری سەرۆکی پەرلەمانی تورکیا، سەرۆک بارزانی پەیامێکی سەرەخۆشی بڵاودەکاتەوە.

وێنە گەورەکە: دوای تێپەڕبوونی 18 ڕۆژ بەسەر ئەنجامدانی نەشتەرگەری دڵ و مانەوەی لە بەشی چاودێری چڕ، ئەمڕۆ شەممە سری سورەییا ئوندەر کۆچی دوای کرد.

پەیامی فەرمی: بارەگای بارزانی، پەیامی سەرۆک بارزانی بڵاوکردەوە، کە تێیدا هاتووە:

٠ بەداخێکی زۆرەوە هەواڵی کۆچی دوای سری سورەییا ئۆندەر، کەسایەتی و سیاسەتمەداری تورکیا و هاوسەرۆکی پێشووی دەم پارتی و بریکاری سەرۆکی پەرلەمانی تورکیام پێگەیشت.

٠ سری سورەییا ئۆندەر کە ئەندامی شاندی ئیمرالیش بوو، بەشی زۆری ژیانی خۆی بۆ خەباتی سیاسی و ئاشتیانە تەرخان کرد، هەوڵەکانی بە ئاراستەی چارەسەری ئاشتی لە تورکیا جێگەی پێزانینێکی زۆرە.

٠ پرسە و سەرەخۆشیی خۆم ئاراستەی خانەوادە و کەسوکار و دۆست و هەڤاڵ و هاوبیرانی خوالێخۆشبوو سری سورەییا ئۆندەر و سەرکردایەتی و ئەندام و لایەنگرانی دەم پارتی دەکەم، خۆم بە هاوبەشی خەمیان دەزانم.

٠ لە خودای گەورە داواکارم ڕۆحی خوالێخۆشبوو بە بەهەشتی بەرین شاد بکات و سەبر و ئارامی بە گشت لایەک ببەخشێت.