کۆمیسیۆن وادەی تۆمارکردنی لیست و هاوپەیمانێتییەکانی درێژ کردەوە

ئاڤا نیوز

 

کۆمیسیۆنی باڵای هەڵبژاردنەکانی عێراق 10 ڕۆژ ماوەی تۆمارکردنی لیست و هاوپەیمانێتییەکانی بۆ بەشداریکردن لە هەڵبژاردنی داهاتووی ئەنجوومەنی نوێنەرانی عێراق درێژ کردەوە.

 

وێنە گەورەکە: ڕێککەوتی 11-11-2025، دیاریکراوە بۆ بەڕێوەچوونی هەڵبژاردنی خولی شەشەمی پەرلەمانی عێراق، کۆمیسیۆن لە ئامادەکارییەکان بەردەوامە و لەو چوارچێوەیەشدا دەرگای تۆمارکردنی هاوپەیمانی و حیزب و کاندیدانی سەربەخۆی بۆ بەشداریکردن لە هەڵبژاردن درێژ کردووە. 

 

ڕاگەیێنراوی فەرمی: جومانە غەلای، وتەبێژی کۆمیسیۆنی باڵای سەربەخۆی هەڵبژاردنەکانی عێراق بە ئاڤا میدیای ڕاگەیاند: ئەنجوومەنی کۆمیسیاران بڕیاری دا ماوەی خۆتۆمارکردنی حیزب و هاوپەیمانێتییەکانی لە 4ی ئەم مانگەوە تاوەکو 14ی هەمان مانگ درێژ بکاتەوە.

 

زانیاریی زیاتر: لە سەرەتای دامەزراندنی فەرمانگە حیزبەکان لە کۆمیسیۆن لە ساڵی 2015ەوە، 330  حیزب ناویان تۆمارکراوە و لەو ژمارەیە تاوەکو ئێستا 80 حیزب نیازی خۆیان بۆ بەشداریکردن لە هەڵبژاردنی ئەمساڵ دەربڕیوە؛ هاوکات تاوەکو ئێستا پێنج هاوپەیمانی نوێ تۆمارکراون.