دەمیرتاش لە زیندانەوە نامەیەک بۆ مەرگی سری سورەیا دەنووسێت

ئاڤا نیوز

 

سەڵاحەددین دەمیرتاش، سەرۆکی پێشووی هەدەپە لە گرتووخانەی ئەدێرنا نامەیەکی بۆ مەرگی ئۆندەر ناردووە و دەڵێت: "پێکەنین لە تۆ دەهات، هەموو شتیێک لە تۆ دەهات، بەس مردن لە تۆ نەهات هاوڕێ".

 

چیرۆکی سەرەکی: سری سورەیا ئۆندەر، دوای 18 ڕۆژ مانەوەی لە نەخۆشخانە، بەهۆی نەمانی بەرگریی و وەستانی بەشێک لە ئەندامەکانی جەستەی،  3-5-2025 کاتژمێر 4:10 خوولەکی ئێوارە، کۆچی دوایی کرد.

 

بڵاوکراوەی فەرمی: دەمیرتاش لە درێژەی نامەکەیدا نووسیویەتی: تۆ یەک گۆڕت نییە، تۆ لە دڵی دەیان ملیۆن کەس نێژراوی، سەردانی کامیان بکەم هاوڕێ، خەمی کەمیان کەم بکەمەوە هاوڕێ، بڕۆ ڕێگەت کراوە بێت برای گیانیم. هەمیشە بەقەدری لای ئێمە، بەڵام پێکەنین لە تۆ دەهات، مردن هیچ لە تۆ نەهات، ئەمە هیچ باش نەبوو هاوڕێ".

 

باکگراوند: ئۆندەر لە ساڵی 1962 لە خێزانێکی تورکمان لە پارێزگای سەمسووری باکوری کوردستان لەدایکبووە. پێش ئەوەی کۆچی دوایی بکات، بریکاری سەرۆکی پەرلەمانی تورکیا و هاوکات سەرۆکی شاندی ئیمراڵی بوو بۆ پرسی ئاشتەوایی کورد. جیا لەوەی سیاسی بوو، ئۆندەر ئەکتەر، ڕۆژنامەنووس و هونەرمەندیش بوو.