20 ئۆتۆمبێلی ئاگركوژێنەوەی مۆدێرن دەخرێتە خزمەتی بەرگریی شارستانی

ئاڤا نیوز

20 ئۆتۆمبێلی ئاگركوژێنەوەی مۆدێرن بۆ بەڕێوەبەرایەتیی بەرگریی شارستانیی هەرێمی كوردستان دابین دەكرێت.

وێنە گەورەکە: لەچوارچێوەی بایەخدانی کابینەی نۆیەمی حکومەتی هەرێمی کوردستان بە پاراستنی سەر و ماڵی هاووڵاتیيان، وەزارەتی ناوخۆ 20 ئۆتۆمبێلی ئاگرکوژێنەوەی مۆدێرن، بۆ بەڕێوەبەرایەتیی بەرگریی شارستانیی هەرێمی كوردستان دابین دەكات، ئەمڕۆ ڕێورەسمی ڕادەستكردنیان لە بارەگای بەڕێوەبەرایەتیی بەرگریی شارستانی هەرێم، بەڕێوەچوو.

لێدوانی فەرمی: هێمن میرانی، بەڕێوەبەری گشتیی دیوانى وه‌زاره‌تى ناوخۆی هەرێمی كوردستان، لە کۆنفرانسێكی ڕۆژنامەوانیدا ئاماژەی بەوەكرد، 20 ئۆتۆمبێلی ئاگرکوژێنەوەی مۆدێرن، بەگوژمەی دوو ملیۆن و 500 هەزار یۆرۆ، بۆ به‌ڕێوەبەرایەتییەکانی بەرگریی شارستانی لە پارێزگا و ئیدارە سەربەخۆکان دابین کراون، لەچوارچێوەی بایەخی وەزارەتی ناوخۆ بۆ دابینكردنی ئۆتۆمبێل و ئامێری پێویست و كەلوپەلی ڕزگاركردن و ئاگركوژاندنەوە، بەمەبەستی پاراستنی سەر و ماڵی هاووڵاتیان لە ڕووداوی نەخوازراو.

زانیاریی زیاتر: میرانی باسی لە بایەخی خۆپارێزی لە ئاگر و پابەندبوونی هاووڵاتیيان بە دابینکردنی بوتڵی ئاگرکوژێنەوە لەناو ئۆتۆمبێل و ماڵەکانیان کرد. هەروەها جەختی لە پابەندبوونی سەرمایەدار و خاوەن پرۆژەکان بە ڕێنماییەکانی بەرگریی شارستانی كردەوە لە دروستکردن و ئاواکردنی باڵەخانەکان بەگوێرەی ستانداردی جیهانی، بۆ ئەوەی ڕێگری لە ئاگرکەوتنەوە بکرێت.

لەلایەكی دیكەوە: یادگار ئەنوەر فەرەج، بەڕێوەبەری گشتیی بەرگریی شارستانیی هەرێمی کوردستان، سوپاسی وەزیری ناوخۆی کرد بۆ دابینکردنی ئەو ئۆتۆمبێلانە و باسی لەوە کرد کە: لە ئەمڕۆوە ئۆتۆمبێلەکان دەخرێنە خزمەت هاونیشتمانیيان.