پاکستان داوای کۆبوونەوەی بەپەلەی ئەنجوومەنی ئاسایش دەکات

ئاڤا نیوز

 

میدیاکانی پاکستان بڵاویانکردەوە، پاکستان بە فەرمی داوای دانیشتنی بەپەلەی داخراوی ئەنجوومەنی ئاسایشی کردووە بۆ تاوتوێکردنی هێرشەکانی هیندستان.

 

وێنە گەورەکە:  گرژییەکانی نێوان هندستان و پاکستان تا دێت پەرەدەسێنێت بەتایبەت دوای هێرشەکەی کشمیر، لە ژێر ڕۆشنایی ئەم پەرەسەندانە نوێنەری هەمیشەیی پاکستان داوای لە ئەنجوومەنی ئاسایشی نێودەوڵەتیی کردووە، دانیشتنێکی بەپەلە ئەنجام بدات.

 

ڕاگەیێنراوی فەرمی: وەزارەتی دەرەوەی پاکستان ڕایگەیاند: وڵاتەکەمان هەوڵدەدات ڕاستییەکان بگەیەنێتە کۆمەڵگەیی نێودەوڵەتی، هەروەها ئەنجوومەنی ئاسایش لە کارەکانی ئەم دواییەی هیندستان ئاگادار دەکاتەوە.

لەلایەکی دیکەوە: ڕووسیا ئامادەیی خۆی نیشاندا بۆ ئەوەی ببێتە نێوەندگیر بۆ وەستانی گررژییەکانی نێوان هەردوولا.

باکگراوند: ڕۆژی 22-4-2025، گرووپێکی چەکداریی هێرشیان کردووەتە سەر هەرێمی کشمیر لە خاکی هیندستان بەهۆیەوە 26 کەس کوژران و چەندین کەسی دیکەش برینداربوون، چەندین جار ڕووبەڕووبوونەوەی سەربازی بە چەکی بچووک لە نێوان سوپای هەردوو وڵات ڕوویداوە، لێکەوتەی بەردەوام ئەم شەڕەش کاریگەری خراپی هەیە و بەهۆی ئەوەی هەردوو وڵات خاوەنی چەکی ئەتۆمین.