کەسێک بەهۆی تەقەی هەڕەمەکییەوە لەلایەن ئاسایشەوە دەستگیر دەکرێت

ئاڤا نیوز

 

دوای ئەوەی دەنگۆی دەستگیرکردنی هونەرمەندێکی میللی لە هەولێر بڵاودەبێتەوە، وتەبێژی ئاسایشی هەولێر دەڵێت، “تەقەکردن قەدەغەیە، ئەو کەسە تەقەی کردووە”.

لێدوانی فەرمی: موقەدەم ئەردەڵان، وتەبێژی ئاسایشی هەولێر ڕایگەیاند: دەنگۆی دەستگیرکردنی  "ح.ز" کە گوایە هونەرمەندی میللییە، ڕاستە و بە تۆمەتی تەقەکردن دەستگیر کراوە.

- وتەبێژی ئاسایشی هەولێر وتیشی: تەقەکردن قەدەغەیە، هیچ کەسێک ڕێگە پێدراو نییە بەهەر هۆکارێک بێت تەقە بکات، هەر کەسێک تەقە بکات دوای وەرگرتنی بڕیاری بەڕێز دادوەری لێکۆڵینەوەی ئاسایشی هەولێر دەستگیر دەکرێت.