شێخ دارا: تاوەكوو سەرەتای هەفتەی داهاتوو پلەكانی گەرما بە نزمی دەمێننەوە

ئاڤا نیوز

شەپۆلێكی خۆڵبارین زۆرینەی ناوچەكانی هەرێمی كوردستان بە شاری كەركووكیشەوە گرتووەتەوە و ئەمشەو لە چەند شوێنێك باران و تەرزەش دەبارێت.

لێدوانی فەرمی: شێخ دارا، پێشكەشكاری كەشوهەوای ئاڤا میدیا ڕایگەیاند: گۆڕانكارییەكانی كەشوهەوا خێرا بوونە و شەپۆلی دەریاكانی دەوروبەرمان زیادیان كردووە دۆخێكی نامۆی لە كەشوهەوا هێناوەتە ئاراوە، ئەمشەو لە زۆر شوێن باران و تەرزە دەبارێت.

زانیاریی زیاتر: ئەم بایە بەهێزەی كە ئێستا هەرێمی كوردستانی گرتووەتەوە لە دێرەزوورەوە هاتووەتە باشووری ڕۆژئاوای عێراق و لەوێوەش هاتووەتە هەرێمی كوردستان بۆیە خۆڵبارینەكە لە ناوچەكانی هەرێمی كوردستان زیاترە وەك لە باشووری عێراق.

ئەمەش بزانە: بەراورد بە ساڵی ڕابردوو پلەكانی گەرما لە هەرێمی كوردستان، نزمتر بوونەتەوە، لە هەمان بەرواری ئەمڕۆ ساڵی ڕابردوو بەرزترین پلە 37 پلە بوو، بەڵام ئەمڕۆ بەرزترین پلە 30 پلە بوو، ئەم جیاوازییە لە سنووری دهۆك زیاترە و ساڵی ڕابردوو لە هەمان بەروار 36 بوو ئەمڕۆ بەرزترین پلە لە دهۆك 18 پلە بووە.